1 PETRUS 1:6 - WUKE SUSI WATTI'U AL᷊AL᷊USASSA

⁶ Ana waugu udde ṛinone i yamiu lumuassa, salaiwe orassa indi tumba'u tal᷊an kadio'a i yamiu sarun masusa ana waugu i yamiu naapendama anambon hatin bawono'a.

1 PETRUS 1:6 Referans Kwoze

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

DARALO 119:28

Niawa'u naṛimunsa'a niaṛiaannu asasusa, tohassawe i ya'u ere lai buatte nipa'ire-Nu.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

LUKAS 10:20

Salaiwe aroddi arie lumuassa ana waugu manga ghaṛṛaho lal᷊eo nassuṛṛubawa si yamiu. Mappianne i yamiu lulluassa ana waugu arannu uawoṛṛetta su surga.”

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

DARALO 95:1

Wette i ite mangantari maddalo Mawu, lullala'a su mananal᷊amatti ite!

YAKOBUS 4:9

Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

YAKOBUS 1:9

Taumatan Saṛṛani apan asiangnga ṛinone lulluassa amungkangngu Ruata manduitti tou.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

ROMA 9:2

I ya'u tumanite massusa wuṛṛu naungku uatataṛṛanga sansara

DARALO 119:75

I ya'u masingkatta manungku raṛṛawen-Nu matul᷊idda oh Mawu, I'o buatte nakkuumangku ana waugu apapia-Nu.

DARALO 69:20

I'o masingkatta aroddi i ya'u iapasal᷊a, lallobbosanna wuṛṛu aal᷊uandahanna, I'o naasilo anambon see'u.

DARALO 35:10

Ringannu ahewallu naungnga i ya'u nabbisara, “Mawu, I'o tawe sul᷊ungnge! I'o namallossu taumata lome wuassu taumata matohassa, iapa asiangnga wuṛṛu susa wuassu mananansarane.”

DARALO 9:14

Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

LUKAS 1:47

wuṛṛu ṛimuu'u lullala'a ana waugu Ruata Mananal᷊ama'u.

MATIUS 26:37

See i Tou nangahe si Petrus wuṛṛu ruang katou ana'i Zebedeus inai su sampunna ringanni Tou. I Tou nanattakke maapendamma susa wuṛṛu sussinggawangnga.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

1 PETRUS 3:17

Mappianne matataṛṛangnga ana waugu ma'ola'a apapia – amungkangu udde apulun Duata – wuassu uatataṛṛanga ana waugu ma'ola'a al᷊al᷊eo.