1 PETRUS 1:25 - WUKE SUSI WATTI'U AL᷊AL᷊USASSA

²⁵ arawe ṛengetannu Ruata siddutu sarangkal᷊oengnge.” Ṛengetanna udde Watti'u Al᷊al᷊uassa apan suete niapaasingkata si yamiu.

1 PETRUS 1:25 Referans Kwoze

YESAYA 40:8

Wal᷊abbukka nabbal᷊i mamara wuṛṛu bunga tinumolangnga, arawe ṛengetannu Ruatan kite mattatana'a saran mal᷊annu-l᷊annu.”

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

DARALO 119:89

Mawu, ṛengetan-Nu matohassa saran mal᷊annu-l᷊annu, tawe panguddusanne su surga.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

DARALO 102:12

Wia'u malliudda ere lintau sutempo wawallo; i ya'u tinumolangnga ere nannal᷊o.

LUKAS 16:17

Arawe malluaasanna langitta wuṛṛu runia mawul᷊i, wuassu woṛṛetta sambau sulal᷊ummu Titan Ruata tawe matipussa.

EFESUS 2:17

Ana waugu udde Mawu Yesus nirumanta namasingkattu Watti'u Al᷊al᷊uassa su ola'u paddarame udde si yamiu; mawae si yamiu wal᷊ine taumatan Yahudi apan rorone marau wuassu Ruata, ara'e lai su taumatan Yahudi apan marani Ruata.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:1

Su paarorone, tantal᷊anna runia taambe niriaddi, Ṛengetanna udde piate. Ṛengetanna udde su sambau ringannu Ruata wuṛṛu Ṛengetanna udde uasul᷊ungngu Ruata.

DARALO 102:26

dorone I'o nandiaddi runia; langitta lai lanna'u lima-Nu.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

TITUS 1:3

Su tempo apan suete nitantunna, Ruata mapaal᷊iatta'u paaire-Ne udde sulal᷊ummu tanata-Ne. Tanata udde suete niwal᷊o si'u, wuṛṛu i ya'u namasingkattu tanata udde ana waugu darolokku Ruata Punnu Sal᷊amatti ite.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

1 KORINTUS 2:2

Ana waugu i ya'u buatte naddiandi, manungku su al᷊o'engngu allo i ya'u ta'e ringanni yamiu, i ya'u tawe bisarane apa-apa, tumba'u su ola'i Yesus Kristus; ahewal᷊anne manungku i Tou buatte nate su alu arussa.

YESAYA 40:6

Pia tingikka apan mabbisara, “Wattia'e!” I ya'u naiwal᷊o, “Apa apan sarun ta'u iwatti'a?” “Wattia'e manungku taumata naal᷊ihidda wal᷊abbukka, naal᷊ihidda bunga apan tumba'u tal᷊ang kaddio'a aṛṛansange.

IBRANI 6:5

I mangitou masingkata wuassu ola'u pabbiaṛṛani mangitou manungku wisaran Ruata udde mapia, wuṛṛu i mangitou suete naapendama manga al᷊amatta apan napenen taṛṛino wuassu tempo apan sarun dumanta.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.