1 PETRUS 1:22 - WUKE SUSI WATTI'U AL᷊AL᷊USASSA

²² Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 1:22 Referans Kwoze

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

IBRANI 13:1

Ṛinone i yamiu sidutu mandangngu sangkatou ringannu waine ere sansul᷊ungngu manga taumatan Saṛṛani apan uasasangkatuṛṛanga.

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.

1 YOHANES 4:7

Manga tuṛṛangnga apan arangnguanna! Wette i ite maa'akkana sangkatou ringannu sangkatou, ana waugu aakkana darantane wuassu Ruata. Taumata apan u'akkana, eteudde ana'u Ruata wuṛṛu i tou maaillal᷊a Ruata.

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

1 YOHANES 3:23

Parenta-Ne si ite eteudde: I ite ṛinone mangngimanna Anang-Nge, eteudde Yesus Kristus, wuṛṛu i ite ṛinone uararangngu, ere suete niparentan Kristus si ite.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

1 YOHANES 3:11

Ro'en paarorone suete niapaasingkata watti'a indi si yamiu: I ite ṛinone umakanna sangkatou ringannu waine.

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

EFESUS 4:3

Pammanarate paaṛṛimadda su ipabbiakka su paddarame tadea'u paa'aukka apan niola'u Ghaṛṛahon Duata udde mangke pappadul᷊iananna.

GALATIA 5:5

Arawe si yami indi, yami mangngantima manungku ringannu tul᷊ungannu Ghaṛṛahon Duata wuṛṛu sulal᷊ummu pangangimanni ami si Kristus, Ruata namalan kami masasangkapia apia ringanni Tou.

SONDAPPA 2:4

Arawe indi sasimba-U si yamiu: I yamiu tate mandangngu si Ya'u ere rorone.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,

YOHANES 15:17

Ete indi parenta-U si yamiu: Padarangngute sangkatou ringannu sangkatou.”

1 PETRUS 3:1

Aroddi lai yamiu, manga awingnga wawine, ṛinone tumuṛṛutta su awingngu tadea'u amungkangu su wallatti mangitou apan piaddu tawe mangngimanna watti'u Ruata, ete pallal᷊agunu wotongnge ma'ola'a si mangitou mangngimanna. Wuṛṛu tawe wotonge i yamiu mabbisaran apa-apa si mangitou,

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

2 TIMOTIUS 1:14

Ringannu sumbala wuassu Ghaṛṛahon Duata apan wiakka sulal᷊ummu waddangi ite, ṛinone i'o uariaga ringannu mapia-pia manga inolaanna maaregga apan suete tinantilla si'o.

1 TIMOTIUS 5:2

wuṛṛu manga wawine timmade ere inangngu. Wuṛṛu manga maṛṛuala ṛinone olaannu ere sangkatou tuari, ringannu pallal᷊agu apan waresi.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

1 TIMOTIUS 1:3

I ya'u maapulu tadea'u i'o sidutu uatana'a su Efesus ere lai suete ta'u niwal᷊o si'o su tempo i ya'u inai watukku Makedonia. Ana waugu su Efesus pia sire pira taumata apan mannal᷊iawukku al᷊aṛṛa'a nassal᷊a, wuṛṛu i'o ṛinone maningaddi mangitou.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

GALATIA 5:7

Dorone i yamiu mammanara ringannu mapia! Orassa indi anio i yamiu maddirite tumuṛṛutta apia apulun Duata? Isai buatte nassal᷊o'i yamiu?

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

YOHANES 15:3

I yamiu nal᷊aukke, ana waugu al᷊aṛṛa'a apan Ta'u nionggolla si yamiu.

WATTI'U MANGA RASUL 6:7

Aroddite watti'u Ruata mangke nassal᷊iawukka wuṛṛu manga mallal᷊aṛṛenggennu Mawu Yesus su Yerusalem lembon a'atambanna anambone. Wuṛṛu manambo lai manga imam apan nangngimanna Mawu Yesus.

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.