1 PETRUS 1:20 - WUKE SUSI WATTI'U AL᷊AL᷊USASSA

²⁰ Kristus nipilen Duata ro'en runia indi taambe niriaddi. Wuṛṛu su miallo-miallo maddanin panginsueannu tempo indi, Tou nirumanta su runia tadea'u i yamiu iapaasal᷊amatta.

1 PETRUS 1:20 Referans Kwoze

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

KOLOSE 1:26

eteudde watti'a ro'en al᷊amonane apan sidutu iaadappingu Ruata su anambon taumata, arawe orassa indi niapaal᷊iatta'a su al᷊aṛṛanang-Nge.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

1 YOHANES 1:2

Su tempo wiakka udde niapaal᷊iatta'a, i yami naasilo. Ana waugu udde i yami nattiala su olange udde. I yami mammasingkata si yamiu su ola'u wiakka tutune wuṛṛu saran mal᷊annu-l᷊annu, apan su sambau ringannu Ruata Iamangnga, wuṛṛu apan suete niapaal᷊iatta'a si yami.

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

AMSAL 8:23

I ya'u niola'a ro'en panattaṛṛannu al᷊amona, su paarorone, tantal᷊anna runia taambe niriaddi.

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.