1 MARARATU 8:66 - WUKE SUSI WATTI'U AL᷊AL᷊USASSA

⁶⁶ Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

1 MARARATU 8:66 Referans Kwoze

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

DARALO 122:9

Ringannu Wal᷊en Mawu, Ruatan kite, i ya'u umal᷊iomanna ana waugu i'o su lal᷊umanna'a.

DARALO 122:6

Aal᷊iomante su apapian Yerusalem: “Antimanna anambon taumata marangngu si'o su lal᷊umanna'a.

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

2 TAWARIKH 30:26

Soa Yerusalem tumaniten marame, ana waugu ro'en i Salomo ana'i Daud uaparenta, taambe saran paassa pia arariadianna ereudde.

2 TAWARIKH 29:36

Ne naungngi Ratu Hizkia wuṛṛu tumanangnge nal᷊uasse ana waugu sulal᷊ummu tempo apan mal᷊ihakka Ruata buatte nassumbala na'ola'a sarangkanambone udde.

2 TAWARIKH 7:10

wuṛṛu tiṛṛabbine, su allo 23 wul᷊anna appitune, Salomo nandolokku manga taumata udde niapaapul᷊e. I mangitou lulluassa su sarangkanambone apan mapia apan buatte niola'u Mawu su walahannu Israel al᷊aṛanang-Nge, si Daud wuṛṛu si Salomo.

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

1 MARARATU 8:1

Wua'udde Ratu Salomo nandolokku anambon piaṛṛa'u ṛuanganna wuṛṛu wawosoanna wuassu walahannu Israel rumanta ringanni tou su Yerusalem tadea'u mangingkattu Wantallu Paairen Mawu wuassu Sion, Soan Daud, watukku Wal᷊en Mawu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 12:18

I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

PANDARIADDI 47:7

I Yusuf namasingkattu iamangnge lai su ratu. I Yakub nangal᷊amatta ratu,

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

1 MARARATU 9:1

Napawe Salomo nuddusse napararisikku Wal᷊en Mawu wuṛṛu wal᷊en araratuanne see anambon apan nihol᷊age,

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YOSUA 22:6

Wua'udde i Yosua nangimpal᷊ukka wuṛṛu nandolokki mangitou mabelengnga watukku leta'a wageangngi mangitou ringannu nangonggolu tanata indi, “I yamiu orassa indi naalate wuṛṛu i yamiu mabelengnga ringannu uaapiddu manambo winatangnga, sal᷊a'a, wul᷊awanna, witu'a, atta'a wuṛṛu laubba. Tahiate lai manga hessin inasaharannu su manga taumata waine ṛuanganna sambau.” Ne ṛuanganni Ruben, i Gad wuṛṛu ṛuanganna Manasye su samba'an ra'in Yordan udde nanantangngu taumatan Israel waine, wua'udde inaite watukku Silo su Kanaan mattudda leta'i mangitou sassane su wageangngu Gilead. I mangitou namanua su leta'a udde wuassu parenta Mawu si Musa. (Sambageanganna ṛuanganni Manasye buatte nanengkamma wuassi Musa, leta'a su samba'an ra'in Sal᷊ukku Yordan, wuṛṛu sambageanganna ṛuanganni Manasye waine, nanengkamma wuassi Yosua leta'a su samba'an baṛṛatu Sal᷊ukku Yordan su sampunna ringannu manga ṛuanganna waine.)