1 MARARATU 8:65 - WUKE SUSI WATTI'U AL᷊AL᷊USASSA

⁶⁵ Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

1 MARARATU 8:65 Referans Kwoze

REENGANNA 34:5

Isudde mabbeṛṛo watukku wawal᷊anna su passarannu Mesir wuṛṛu muddussa su Tahal᷊oangnga Tangngane.

1 MARARATU 8:2

Ne i mangitou sarangkanambone nirumantate su Allon Ramea Rasannu Rongnga sulal᷊ummu wulanna Etanim.

REENGANNA 34:8

wuṛṛu wua'isudde watukku Lal᷊annu Hamat, ana see masal᷊a watukku Zedad

2 MARARATU 14:25

Ete i Yerobeam II indi apan nangaṛṛo apia anambon wageangu leta'u Israel, wuassu lal᷊anna watukku Hamat su sawannakka naddatingngu Tahal᷊oanga Nate su timukka. Udde ere buatte pina'iren Mawu, Ruatan Israel, su allang-Nge, Nabi Yunus ana'i Amitai taumatan Gat-Hefer.

MAL᷊AṚṚUUNGNGA 3:3

Manga walahanna apan ta'e uatana'a su wanua udde eteudde: walahanna apan uatana'a su lima soa Filistin, anambon walahannu Kanaan, walahannu Sidon, wuṛṛu Hewi apan uatana'a su panenteannu Libanon, manattakka wuassu Wowon Baal-Hermon maddatingngu lal᷊anna apan mattuddan Hamat.

YOSUA 13:5

manansunna leta'u walahannu Gebal, wuṛṛu ahewallu leta'u Libanon watukku ra'i, wuassu Baal-Gad su samba'an timukku Wowon Hermon, masal᷊a watukku lal᷊anna mattuddan Hamat.

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

AMOS 6:14

Mawu Apan Atanggaṛṛanne wuṛṛu Lembontaṛṛino sassane nabbisara, “Umattu Israel, i Ya'u sarun mangirimmu tantara wuassu sambau walahannu raho iapapangalo wanuannu. I mangitou sarun manansara si yamiu wuassu lal᷊anna watukku Hamat su sawannakka maddatingngu Wawal᷊aannu Araba su timukka.”

2 TAWARIKH 30:23

i mangitou sarangkanambone nakkawessa manassu ramea udde 7 allo lai. Ana see i mangitou naddameate apia ringannu lulluassa.

2 TAWARIKH 30:13

Su wul᷊anna aruane, mannamboanne wuassu reengannu tumanangnge naammulla su Yerusalem mallaghu Allo Wahewan Roti Tawe Ragine.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

YOSUA 15:4

Wua'isudde masal᷊a lai watukku Azmon, ana see mangin sal᷊ukka ana'u sal᷊ukka su passarannu Mesir, wua'udde masue su Tahal᷊oangnga Tangngane. Etearoddi akkitu passaranna su samba'an timukku leta'u ṛuanganni Yehuda. Wuṛṛu akkitu passaranna udde maola'a lai akkitu passaranna samba'an timukku ahewallu wanua Israel.

YOSUA 19:35

Manga soa apan pia tatandangnge eteudde: Zidim, Zer, Hamat, Rakat, Kineret,

1 MARARATU 3:15

Napawe napu'ote, i Salomo naatutukka manungku Ruata buatte nabbisara si tou sulal᷊ummu wal᷊iawa. Ne i tou nabbelengke watukku Yerusalem see dirumarisikka su saruannu Wantallu Paairen Mawu wuṛṛu nangonggollu sasamba itattambunna wuṛṛu sasamban paddarame. Wua'udde i tou na'ola'a andeangnga su anambon mammamanaran araratuanne.

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

2 MARARATU 17:24

Pinallol᷊ossa taumatan Israel apan niapidda watukku pamamuanganna udde, ratun Asyur niapatana'a su manga soan Samaria, manga taumata wuassu Babel, Kuta, Awa, Hamat wuṛṛu Sefarwaim. Manga taumata udde natana'a su manga soa wuṛṛu namanuate isudde.

2 MARARATU 23:33

Pamamarentan Yoahas nuddussa sutempo i Nekho ratun Mesir nanametta si tou su Ribla, su wageangu leta'u Hamat, wuṛṛu namata'u Yehuda mamaekka wose si tou anambone 3.400 su kilone sal᷊a'a wuṛṛu 34 su kilone wul᷊awanna.

1 TAWARIKH 13:5

Ne i Daud nangammulu tumana'u Israel su ahewallu wanua, wuassu passarannu Mesir su timukka naddatingngu lal᷊annu Hamat su sawannakka, inai mangal᷊appa Wantallu Pa'aire udde wuassu Kiryat-Yearim wuṛṛu iapidde su Yerusalem.

YEHEZKIEL 47:19

Passaranna su samba'a timukka mabbatukku taṛṛanganna, wuassu Tamar watukku al᷊imatang kua'e Kades-Meriba, ana see i tou watukku pal᷊onna su al᷊o'engngu passarannu Mesir maddatingngu Tahal᷊oangnga Tangngane.

AMOS 6:2

Roote pa'ellega su Kalne, wua'udde asal᷊ate amatta watukku Soa Hamat apan wahewalla udde, wua'udde wuatukku soa Gat su Filistin. Sunnanu manga soa udde mappianne wuassu araratuannu Yehuda wuṛṛu Israel? Apa wageangngu leta'i mangitou maggewal᷊anna wuassu wageangngu letangngu?

YOSUA 15:1

Manga amonanna wuassu ṛuanganni Yehuda nanarimmattu wageangngu leta'a apan passaranne ere manansunna indi: Su samba'an timukka, wageangngu leta'a udde uawannadda ma'oman sara pentakku timukka, su wageangngu leta'u wadda'u Zin su passarannu Edom;

1 TAWARIKH 1:16

Arwadi, Semari wuṛṛu Hamati.

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.