1 MARARATU 8:59 - WUKE SUSI WATTI'U AL᷊AL᷊USASSA

⁵⁹ Antimanna Mawu, Ruatan kite, sidutu mannaungnga aal᷊iomanna wuṛṛu sasal᷊ande apan buatte ta'u niwal᷊o si Tou. Antimanna i Tou sidutu mapal᷊iatta'u darangngu-Ne su umattu Israel wuṛṛu ratune ringannu mangonggola si mangitou apa apan haggausanni mangitou miallo-miallo.

1 MARARATU 8:59 Referans Kwoze

YOHANES 17:9

I Ya'u inumal᷊iomanni mangitou. I Ya'u tawe inumal᷊iomannu runia ewe'e inumal᷊iomannu manga taumata apan suete nionggolu Iamangnga si Ya'u, ana waugu i mangitou pussa'an Iamangnga.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

LUKAS 11:3

Onggol᷊a'a su miallo-miallo anna apan haggausanni yami,

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

1 MARARATU 8:58

Antimanna i Tou ma'ola'a si ite manga taumata apan maaddunna si Tou tadea'u i ite sidutu wiakka tumuṛṛuttu apulu-Ne wuṛṛu matuṛṛutta su anambon tita wuṛṛu parenta apan buatte nionggolli Tou su al᷊amonan kite.

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”