1 MARARATU 8:58 - WUKE SUSI WATTI'U AL᷊AL᷊USASSA

⁵⁸ Antimanna i Tou ma'ola'a si ite manga taumata apan maaddunna si Tou tadea'u i ite sidutu wiakka tumuṛṛuttu apulu-Ne wuṛṛu matuṛṛutta su anambon tita wuṛṛu parenta apan buatte nionggolli Tou su al᷊amonan kite.

1 MARARATU 8:58 Referans Kwoze

DARALO 119:36

Onggol᷊ewe i ya'u apulu tumuṛṛutta parenta-Nu, nilumambalanna wuassu apulu mabbal᷊i ala.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

ANTARI MAWANTUGA 1:4

Pandiahite i ite, ore ratu'u, apira'e i ya'u sulal᷊ummu wabbo'anu. Ana waugu I'o i yami sarangkanambone lullassa, wuṛṛu maddalo darangngunu nilumebbe wuassu anggore; naṛṛinote manga maṛṛuala maapulunu!

TAHIUL᷊E 6:1

“I Ya'u nirolokku Mawu Ruatanu iapatantiro anambon tita indi si yamiu tadea'u i yamiu ma'ola'a su wanua apan tate mal᷊annu lai atanaanni yamiu.

TAHIUL᷊E 4:45

Olangnge udde niola'a napawe i mangitou sinumabbangke wuassu Mesir wuṛṛu uatana'e su wawal᷊anne samba'an da'i, Sal᷊ukku Yordan, uasasaruannu soan Bet-Peor. Wageangngu leta'a udde lanna'u paparentanni Sihon, ratun taumatan Amori, apan dorone uaparenta su soan Hesybon. I Musa wuṛṛu walahannu Israel namaddon tou su tempo i mangitou sinumabbangnga wuassu Mesir.

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

YOSUA 24:23

“Amungkangngu aroddi, paaraua'a manga mawun walahanna waine apan sasahipunanni yamiu udde,” unni Yosua, “wuṛṛu pa'diandite manungku i yamiu sidutu tuttuṛutta Mawu, Mawu Ruatan Israel.”

1 MARARATU 8:59

Antimanna Mawu, Ruatan kite, sidutu mannaungnga aal᷊iomanna wuṛṛu sasal᷊ande apan buatte ta'u niwal᷊o si Tou. Antimanna i Tou sidutu mapal᷊iatta'u darangngu-Ne su umattu Israel wuṛṛu ratune ringannu mangonggola si mangitou apa apan haggausanni mangitou miallo-miallo.