1 MARARATU 8:48 - WUKE SUSI WATTI'U AL᷊AL᷊USASSA

⁴⁸ Amungkangngu su wanua indi i mangitou ringannu naungnga mal᷊uassa wuṛṛu atonna-tonna manantangngu manga rosa mangitou, wuṛṛu umal᷊iomanna Si'o lapiddu sumaruanna watukku soa nipile-Nu wuṛṛu wal᷊en patataṛṛamawuanna apan buatte ta'u niola'a apan hunane Si'o indi,

1 MARARATU 8:48 Referans Kwoze

DANIEL 6:10

Ne Ratu Darius nabartandate suratta parenta udde.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

YUNUS 2:4

Sulal᷊ummu naungku i ya'u nabbisara; Mawu buatte nallimbuakka si ya'u wuassu saruan-Ne. I ya'u tate maasilo apia wal᷊en atatanaan-Ne apan susi.

NEHEMIA 1:9

Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

ROMA 10:10

Ana waugu ringannu naungnge taumata mangngimanna, na'oman sara Ruata nanengkamma si tou naola'a sangkatou taumata apan uasasangkapia Ruata. Wuṛṛu ringannu moṛṛongnge taumata mangnga'u, na'oman sara i tou naasomba asasal᷊amatta.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

DARALO 119:145

Ringannu ahewallu naungnga i ya'u sussal᷊ande Si'o; simbaṛṛewe i ya'u oh Mawu, i ya'u maapulu tumuṛutta parenta-Nu.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

1 MARARATU 8:49

ne wuassu atatanaan-Nu su surga doronganna I'o maddaringikka aal᷊iomani mangitou wuṛṛu umakkanni mangitou.

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

ZAKARIA 10:9

Salaiwe i mangitou Ta'u isal᷊iawukka su pattangngannu manga walahanna, i mangitou sidutu uanaungnga si Ya'u poiaroddi. I mangitou sarun masal᷊amatta, aroddi lai al᷊aṛṛaanangnge wuṛṛu sarun mapul᷊e suadio'a watukku wanuane.

IMAMATTA 26:40

Arawe papapulunnu sarun manga'u rosan iupungu al᷊amonan mangitou apan buatte nanal᷊are si Ya'u wuṛṛu nilumawanga si Ya'u,

1 MARARATU 8:33

Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

2 MARARATU 23:25

Taambe saran paassa pia ratu ere i Ratu Yosia apan matuṛṛutta Mawu ringannu ahewallu naungnge, napal᷊iatta'u pabbiaṛanne wuṛṛu pallal᷊agune, uasul᷊ungu anambon tita apan uawoṛṛetta sulal᷊ummu Wuken Musa. Manansunna si Ratu Yosia, tate lai ratu ere i tou.

DANIEL 6:11

Napawe i Daniel naaringikka olangnge udde, i tou mapul᷊ete su wal᷊ene. Wabbo'ane apan rengkenne al᷊iu rosone pia manga jandela apan uasaruanna watukku Yerusalem. Wuṛṛu ere su inanaramanne, i tou u'al᷊iomanna su Ruatane wuṛṛu maddalo Mawu paatallu allo massallo ringannu u'al᷊intudda su saruannu manga jandela apan wawu'anna udde.