1 MARARATU 8:40 - WUKE SUSI WATTI'U AL᷊AL᷊USASSA

⁴⁰ tadea'u uman-Nu matuṛṛutta Si'o sidutu su al᷊o'engngu i mangitou uatana'a su wanua apan buatte nionggollu Mawu su al᷊amonan kami.

1 MARARATU 8:40 Referans Kwoze

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

SONDAPPA 19:5

See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

DARALO 115:13

I Tou sarun mangal᷊amatta manga taumata apan ma'imanna, mawae ete maradio'a aroddi lai wahewalla.

1 SAMUEL 12:24

Pangaddatte Mawu wuṛṛu pattaṛṛamawute si Tou ringannu matammudda wuṛṛu ringannu ahewallu naungngu. Naungete manga inolaanna wahewalla apan buatte niolang-Nge si yamiu.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

TAHIUL᷊E 12:1

“Indiwe manga tita apan ṛinone tuṛṛutanni yamiu su al᷊o'engngu pabbiaṛṛannu su wanua apan nionggolu Mawu, Ruatan iupungngu al᷊amonanu.

1 MARARATU 8:39

antimanna I'o wuassu atatanaan-Nu su surga maddaringikka see mangampungnga wuṛṛu mantul᷊ungngi mangitou. Tumba'u I'o apan masingkattu lal᷊ummu manga inolaanne,

1 MARARATU 8:41

Amungkangngu sangkatou raho su wanua apan marau naaringikka ola'u awawantu-Gu wuṛṛu su ola'u manga al᷊aṛṛindu'a apan buatte niolang-Ngu su uman-Nu, ana see i tou rumanta su wal᷊en patataṛṛamawuanna indi mangaddatta Si'o wuṛṛu umal᷊iomanna Si'o,

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”