1 MARARATU 8:36 - WUKE SUSI WATTI'U AL᷊AL᷊USASSA

³⁶ antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

1 MARARATU 8:36 Referans Kwoze

DARALO 27:11

Pantingira'awe si ya'u apulu-Nu, oh Mawu, ehettawe i ya'u su lal᷊anna apan matul᷊idda, ana waugu see'u tumaniten manambo.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

DARALO 94:12

Lal᷊umanna'a su taumata apan niaṛṛaan-Nu, oh Mawu, taumata apan niaṛṛaannu manga tita-Nu.

1 MARARATU 18:45

Tumba'u sangkaṛṛondapa langitta nabbal᷊i marandumma, wuṛṛu anginna ma'ikkatta tinumiuppe see uranna wahewalla nangansalle. I Ahab sinuma'e keretane see napul᷊ete watukku Yizreel.

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

YEREMIA 42:3

tadea'u Mawu Ruata mapal᷊iatta'a si yami watukku apa ṛinone i yami inai wuṛṛu apa apan ṛinone manaranni yami.”

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

DARALO 119:33

Mawu, tantiroewe i ya'u manga tita-Nu, tadea'u i ya'u mappaamatta saran pangudusanne.

DARALO 86:11

Tantiroa'e apulu-Nu si ya'u, oh Mawu, tadea'u i ya'u mappaamatta ringannu matuṛṛutta; olaawe i ya'u ma'imanna ringannu ahewallu naungnga.

DARALO 68:9

runia niumio'a, uranna nangansalla su saruan-Nu, ana waugu niarantannu Ruatan Sinai, Ruatan Israel.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

DARALO 25:8

Ana waugu Mawu mapia wuṛṛu matul᷊idda, I'o namantingiddu lal᷊anna su taumata apan nial᷊iwune.

DARALO 5:8

Arawe ana waugu darangngu-Nu apan wahewalla, i ya'u wotongnge maasutta sulal᷊ummu Wal᷊en-Nu. I ya'u massubba watukku saruannu Wal᷊en-Nu apan susi, wuṛṛu massubba Si'o ringannu atonna-tonna.

1 MARARATU 18:41

Wua'udde i Elia nabbisarate si Ratu Ahab, “Orassa indi mappianne i Tuangnga inaite anna! Tawe mal᷊anna addio'a manguranna, ana waugu tingikke aaringiṛṛante.”

DARALO 119:133

Tohassawe lempangku erelai buatte nipa'ire-Nu, ariewe pabbala'a i ya'u tataṛṛinoannu al᷊al᷊eo.

DARALO 68:10

Ringannu tinumompe'a I'o nanossokku uranna, wuṛṛu nanuwukka letang-Ngu apan maṛṛasa.

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.