1 MARARATU 8:33 - WUKE SUSI WATTI'U AL᷊AL᷊USASSA

³³ Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

1 MARARATU 8:33 Referans Kwoze

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

DARALO 44:10

Arawe orassa indi I'o nanantangngi yami wuṛṛu namalan kami niawaddo. I'o tate lai inai suadio'a ringanni yami.

YOSUA 7:8

Oh Mawu! Seetti yami buatte nangenggena manga taumatan Israel. Orassa indi apa ṛinone ta'u iwisara?

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

1 MARARATU 8:34

antimanna I'o maddaringikka si mangitou wuassu surga. Antimanna I'o mangampunga rosan uman-Nu indi, wuṛṛu mangapiddi mangitou mabbelengnga watukku wanua apan buatte nionggollu Mawu su al᷊amona mangitou.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

1 MARARATU 8:48

Amungkangngu su wanua indi i mangitou ringannu naungnga mal᷊uassa wuṛṛu atonna-tonna manantangngu manga rosa mangitou, wuṛṛu umal᷊iomanna Si'o lapiddu sumaruanna watukku soa nipile-Nu wuṛṛu wal᷊en patataṛṛamawuanna apan buatte ta'u niola'a apan hunane Si'o indi,