1 MARARATU 8:15 - WUKE SUSI WATTI'U AL᷊AL᷊USASSA

^15-16 I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

1 MARARATU 8:15 Referans Kwoze

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

LUKAS 1:70

Ro'en al᷊amonane sulal᷊ummu manga nabi arangnguan-Ne, Mawu suete nangagillu pa'aire-Ne,

DARALO 115:18

Arawe i ite apan wiakka maadiangkamanna si Tou, orassa indi maddatingngu saran mal᷊annu-l᷊annu. Paddalote Mawu!

2 TAWARIKH 6:4

I tou nabbisara, “Dorone Mawu buatte na'ire su iamangku Daud arendi, ‘Ro'en i Ya'u nangapiddu walahang-Ku sinumabbangnga wuassu Mesir naddatingngu allo indi, su wanuan Israel tawe sambau soa apan Ta'u nipile maola'a tampa apan ṛinone paparisiṛannu wal᷊en patataṛṛamawuanna si Ya'u, wuṛṛu tawe saran sangkatou apan Ta'u nipile iapapiaṛṛa'u walahang-Ku Israel. Arawe orassa indi Ya'u namile Yerusalem maola'a tampa patataṛamawuanna si Ya'u. Wuṛṛu i'o, Daud, Ta'u pileanna iapaparenta walahang-Ku.’ Daralo su Mawu Ruatan Israel apan buatte nanipussa paaire-Ne udde!”

YOSUA 21:45

Mawu nanipussa al᷊awo'u pa'aire-Ne su walahannu Israel; tawe saran sambau apan tawe nitipussu Mawu.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

2 TAWARIKH 20:26

Su allo aiappane i mangitou sarangkanambone naammulle su Wawal᷊annu daralo wuṛṛu naddalote Mawu ana waugu sarangkanambone apan buatte niolang-Nge. Ana waugu udde wawal᷊anna udde nissago “Daralo”.

2 SAMUEL 7:25

Ne orassa indi, oh Mawu Ruata, antimanna I'o manohassa saran mal᷊annu-l᷊annu pa'aire apan niwisara-Nu su ola'u watangangku wuṛṛu papapulungku. Antimanna I'o mappaamattu sarangkanambone apan buatte nipa'ire-Nu udde.

2 SAMUEL 7:5

“Roote wuṛṛu wal᷊oa'a si Daud allang-Ku tanata-U indi, ‘I'o tawe suṛṛinone ma'ola'a wal᷊e-U.

2 SAMUEL 6:18

Ana see i tou nangal᷊amatta tumana'u Israel ringannu arannu Mawu Apan Lembontaṛṛino.

1 TAWARIKH 16:36

Paddalote Mawu, Ruatan Israel, orassa indi maddatingngu saran mal᷊annu-l᷊annu! Wua'udde anambon walahannu Israel nabbisara, “Amin,” ana see i mangitou naddalote Mawu.

1 TAWARIKH 22:10

Ete anangngu esakka udde apan mapararisikku Wal᷊e-U. I tou sarun maola'a ana-U wuṛṛu i Ya'u sarun maola'a iamangnge. Adderan araratuannu Israel sidutu sarun su papapulunne saran mal᷊annu-l᷊annu.’ ”

1 SAMUEL 25:32

Ana see i Daud nabbisarate si tou, “Dalo su Mawu, Ruatan Israel, apan nandolokku naisasomba'u su allo indi!