1 MARARATU 8:13 - WUKE SUSI WATTI'U AL᷊AL᷊USASSA

¹³ Orassa indi ta'u niwangunna Si'o wal᷊en apan maṛṛansangnga, maola'a tampa atatanan-Nu saran mal᷊annu-l᷊annu.”

1 MARARATU 8:13 Referans Kwoze

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

SASABANGNGA 15:17

Ana see Israel niuntudda watukku tampa apan buatte nipile-Nu maola'a atatanaan-Nu. I mangitou namanua su wuiddu Mawu apan susi, su Wal᷊en apan buatte niolang-Ngu sassane.

WATTI'U MANGA RASUL 6:14

I yami suete naaringikka si tou mabbisara, manungku Mawu Yesus wuassu Nazaret udde sarun mangngohakku Wal᷊e Mawu indi, see mamal᷊u anambon inanaramanna apan nisossokki Musa si ite!”

2 TAWARIKH 6:2

Orassa indi ta'u niapararisikka Si'o wal᷊en apan maṛṛamaga, maola'a tampa atatanaan-Nu saran mal᷊annu-l᷊annu.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 TAWARIKH 28:6

Mawu nabbisara si ya'u arendi, ‘i Salomo anangngu sarun mapararisikku wal᷊e-U. I tou buatte Ta'u nipile maola'a ana-U, wuṛṛu i Ya'u sarun maola'a iamangnge.

MATIUS 23:21

Wuṛṛu amungkangngu sangkatou massalu ringannu arannu Wal᷊e Mawu, udde atappasanne i tou nassalu ringannu arannu Wal᷊e Mawu, wuṛṛu ringannu arannu Ruata apan uatana'a isudde.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

YEHEZKIEL 43:9

Arawe manattakka orassa insi mangitou ṛinone mangillol᷊o massubba paal᷊uanna wuṛṛu mangingkattu manga winal᷊unannu manga ratu mangitou. Wua'udde, i Ya'u sarun matana'a su pattangnganni mangitou saran mal᷊annu-l᷊annu.”