1 MARARATU 7:7 - WUKE SUSI WATTI'U AL᷊AL᷊USASSA

⁷ Balai waine eteudde “Balai Tahta” apan isassaggo lai Balai Pallaṛṛuunganna. Balai indi wuassu apampakke maddatingngu manga asone nilapisannu alu cemara wuassu Libanon. Ete su balai indi i Salomo ma'ola'a inaappuannu arae putusannu manga hatto su pallaṛṛuunganna.

1 MARARATU 7:7 Referans Kwoze

AMSAL 20:8

Napawe ratu uma'ianna udde adderan pallaṛṛuunganna, i tou maasilo sarangkanambone apan dal᷊eo.

DARALO 122:5

Ete isindi manga ratu papapulunni Daud nakkuungnga tumanangnge.

YESAYA 9:7

Mawu buatte nangema'u ṛuumanna su araratuannu Israel.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 6:3

Su wageanggu saruannu Wal᷊en Mawu udde pia balai apan al᷊o'engnge 4,5 metere wuṛṛu al᷊alakke 9 metere, ere al᷊alakku wal᷊en udde lai.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”