1 MARARATU 6:20 - WUKE SUSI WATTI'U AL᷊AL᷊USASSA

^20-22 Wabbo'a udde al᷊o'engnge, al᷊alakke wuṛṛu atanggakke nassul᷊ungnga, eteudde sio metere. Mezbah su saruannu Wabbo'a Lembon Susi udde niola'a wuassu alu cemaran Libanon. Su ngara sasuttanna watukku wabbo'a udde niwatadda ṛate wulananna. Ahewallu wageangngu lal᷊ummu Wal᷊en Mawu udde nasutta Wabbo'a Lembon Susi wuṛṛu mezbahne nilapisannu wul᷊awanna tutune.

1 MARARATU 6:20 Referans Kwoze

1 MARARATU 7:48

I Ratu Salomo lai nandolokka niapaola'a manga saranapa waine wuassu wul᷊awanna hunan Wal᷊en Mawu. Eteindi manga saranapa apan niolangnge udde: Mezbah Medda pangangaddoannu roti apan ionggolla su Ruata Mapul᷊o leddan sol᷊o apan niaddo su Wabbo'a Lembon Susi, eteudde lima su samba'an timukka wuṛṛu lima lai su samba'a sawannakka. Manga bunga Manga sol᷊o Manga sasipitta Manga mangko Manga lama'a pangaddoannu amania Manga lama'a pangaddoannu waṛṛa Manga hensellu ngara Wabbo'a Lembon Susi wuṛṛu manga ngaran liuddu Wal᷊en Mawu.

1 MARARATU 6:19

Wabbo'a Lembon Susi apan niola'a sulal᷊ummu Wal᷊en Mawu udde nisaddia pangaddoannu Wantallu Pa'airen Mawu.

2 TAWARIKH 3:7

I tou nappaattu wul᷊awanna udde lai pinangoossa manga darandungngu Wal᷊en Mawu udde, manga sal᷊aba'une, manga sasuttanna su ngara wuṛṛu manga ngarane. Manga darandungnge ni'uittu hambarannu mala'ekatta.

YEHEZKIEL 41:4

Wua'udde i tou nanguukka wabbo'a udde lai: saṛṛene uataṛṛa wu'u appata, al᷊o'engnge wuṛṛu al᷊alakke sambau-sambau mapul᷊o metere. Wua'udde i tou nabbisara si ya'u, “Eteindi Tampa Apan Lembonsusi.”

YEHEZKIEL 41:22

Atanggakke sambau setenga metere wuṛṛu al᷊alakke sambau su meterene. Manga pabbuuanne, apampakke wuṛṛu darandunge niola'a wuassu alu. Esakka udde nabbisara si ya'u, “Eteindi medda apan uaraddo su saruannu daranta Mawu.”

SASABANGNGA 26:29

Diṛṛin Dasanna wuṛṛu manga alu wawarene udde ṛinone oosannu wul᷊awanna. Manga hal᷊angnge ipanaṛṛangnga manga alu udde ṛinone olaanna wuassu wul᷊awanna.