1 MARARATU 6:13 - WUKE SUSI WATTI'U AL᷊AL᷊USASSA

¹³ I Ya'u sarun matana'a su wal᷊en apan niolangngu indi su pattangngannu uma-U Israel. I Ya'u tawe manantangngi mangitou.”

1 MARARATU 6:13 Referans Kwoze

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

IMAMATTA 26:11

I Ya'u sarun matana'a su wallati i yamiu sulal᷊ummu Rasang-Ku, wuṛṛu tawe manol᷊a'i yamiu.

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

TAHIUL᷊E 31:8

Mawu sarun mangehetta wuṛṛu mantulungngu. I Tou tawe mapaasusan naungngu ara'e manantangngu. Ana waugu udde imbaṛṛangnga mata'utta ara'e suminggawangnga.”

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

SASABANGNGA 29:45

I Ya'u sarun matana'a su pattangnganu balahannu Israel, wuṛṛu maola'a Ruata mangitou.