1 MARARATU 5:5 - WUKE SUSI WATTI'U AL᷊AL᷊USASSA

⁵ Mawu buatte naddiandi arendi su iamangku Daud, “Anangngu apan Ta'u itenega maola'a ratu mallol᷊ossa si'o sarun mapararisikku wal᷊en tampa patataṛṛamawuanna si Ya'u.” Ana waugu udde, Tuangnga Hiram Apan Mawantuga, i ya'u, Salomo, buatte nakkawessa mapararisikku wal᷊en udde.

1 MARARATU 5:5 Referans Kwoze

1 TAWARIKH 22:10

Ete anangngu esakka udde apan mapararisikku Wal᷊e-U. I tou sarun maola'a ana-U wuṛṛu i Ya'u sarun maola'a iamangnge. Adderan araratuannu Israel sidutu sarun su papapulunne saran mal᷊annu-l᷊annu.’ ”

1 TAWARIKH 28:6

Mawu nabbisara si ya'u arendi, ‘i Salomo anangngu sarun mapararisikku wal᷊e-U. I tou buatte Ta'u nipile maola'a ana-U, wuṛṛu i Ya'u sarun maola'a iamangnge.

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 MARARATU 8:19

Arawe, wal᷊ine i'o, ewe'e ete anangngu apan ma'ola'a wal᷊e-U udde.’

IMAMATTA 25:18

Paatuṛṛutte su anambon tita wuṛṛu parentan Mawu, tadea'u i yamiu mabbiakka ringannu malangnganna su wanua udde.

IMAMATTA 25:19

Leta'u wanua udde sarun mangonggolu hessine na'oman sara i yamiu maatahuanna anna apan manambo wuṛṛu uatana'a poiaroddi ringannu paddarame.

TAHIUL᷊E 33:28

Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.

2 MARARATU 18:31

Arie paddaringikka si Hizkia. I ya'u ratun Asyur manonggolu tita tadea'u i yamiu sumabbanga wuassu soa wuṛṛu manantillu watanganni yamiu. I yamiu wotongnge umanna wuan anggore wuassu wawail᷊annu sassane, wuṛṛu maatemma wuan ara wuassu aaluannu sassane, lapiddu ma'inumma ua'e wuassu paṛṛihinu sassane,

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

ZAKARIA 3:10

Napawe allo udde nia'omante, suapan taumata sarun mannote al᷊indonganne tadea'u rumanta wuṛṛu mamendamma paddarame wuṛṛu atatammudda su pattangngannu manga wawail᷊annu anggore wuṛṛu manga punnu alu ara.”