1 MARARATU 4:29 - WUKE SUSI WATTI'U AL᷊AL᷊USASSA

²⁹ Ruata nangonggolla si Salomo asingkatta, wuṛṛu apande apan tumaniten bahewalla, see pasasunna apan tumaniten mal᷊al᷊umma.

1 MARARATU 4:29 Referans Kwoze

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

YESAYA 60:5

Naasilo udde i'o tinumiangnga wuṛṛu hatinu nasemakka; i'o naherangnga wuṛṛu nahewalla naungnga. Darotongngu manga walahanna niapidda ringannu, pa'aala wuassu samba'an tahal᷊oangnga niombo si'o.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

PANDARIADDI 41:49

Gandumma apan niammuli tou udde aroddi anambone na'oman sara i Yusuf nangillol᷊o mangnguukka, ana waugu anambone naal᷊ihidda anne su winggin tahal᷊oangnga.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

MANNANASE 1:16

I ya'u naṛṛingidda, “I ya'u buatte naola'a taumata mahuna wuṛṛu pande, mappandeanne marau wuassu anambon taumata apan namarenta su Yerusalem naṛṛoro si ya'u. I ya'u nangammullu manambo asingkatta wuṛṛu apande.”

MAL᷊AṚṚUUNGNGA 7:12

Taumatan Midian, Amalek wuṛṛu manga taumata waine wuassu wadda'u anne, uasal᷊iawukka su al᷊awo'u tampa su wawal᷊anne udde. Aellehanna naal᷊ihidda saṛampalanna apan uaammula. Manga untan mangitou tumanite manambo naal᷊ihidda anne su winggin sahatta.

HABAKUK 1:9

Tantarane mammangalo mappaamattu araṛṛagissa, anambon taumata matta'utta naasilo darantan mangitou. Tawananni mangitou tawe iareengnga anambone.

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.