1 MARARATU 3:3 - WUKE SUSI WATTI'U AL᷊AL᷊USASSA

³ I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

1 MARARATU 3:3 Referans Kwoze

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

DARALO 31:23

Sulal᷊ummu i ya'u niumal᷊ingu i ya'u massunna Mawu buatte nandamme'u wuassu araratuan-Ne. Arawe i Tou buatte naddaringikka sasal᷊ande'u sutempo i ya'u sinumal᷊ande si Tou.

TAHIUL᷊E 30:16

Allo indi ya'u mamarenta si yamiu tadea'u mandangngu Mawu Ruatanu wuṛṛu tumuṛṛutta si Tou apiddu tumuṛṛutta al᷊awo'u tita wuṛṛu parenta-Ne tadea'u i yamiu maala wuṛṛu maola'a sambau walahanna apan wahewalla. Mawu Ruatanu sarun mangal᷊amatta si yamiu su wanua apan tate mal᷊annu lai pamanuanni yamiu.

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

1 MARARATU 3:14

Wuṛṛu amungkangngu i'o, mangaṛṛussa iamangngu Daud, matuṛṛutta si Ya'u see mappaamattu manga tita'-U, i Ya'u sarun mangonggolla si'o uukka mal᷊o'engnga.”

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

TAHIUL᷊E 30:20

Pandangngute Mawu Ruatanu, paatuṛṛutta si Tou, wuṛṛu paatammuda tumuṛṛutta si Tou. Ne i yamiu wuṛṛu papapulunnu sarun mabbiakka wuṛṛu uukka mal᷊o'engnga su wanua apan nipa'iren Mawu su iupungngu al᷊amonanu, i Abraham, i Ishak wuṛṛu i Yakub.”

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

MATIUS 22:37

Mawu Yesus sinumimbakka, “Pandangngu Mawu Ruatanu ringannu ahewallu naungngu wuṛṛu ahewallu apulunu wuṛṛu ringannu al᷊awo'u apandenu.

2 MARARATU 18:22

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

2 MARARATU 18:4

I tou nanggohakku manga tampa pasasubbanna monganna, wuṛṛu napaaṛṛaan manga palene see lai nanggohakku manga paal᷊uannu Mongannu Asyera. I tou lai nakkimunsa'a atoanna witu'a niola'i Musa apan isassago Nehustan. Ana waugu naddatingngu tempo udde, taumatan Israel ta'e mannutunga amania ipangaddata atoanna witu'a udde.

2 MARARATU 15:35

Arawe tumba'u sangkule, manga tampa passubanna monganna tawe nihohakka na'oman sara tumanange sidutu mangangapiddu sasamba wuṛṛu mannambunnu amania isudde. Ete i Yotam apan napararisikku Ngara Pasallanganna su samba'an sawannaku Wal᷊en Mawu.

2 MARARATU 15:4

Arawe tumba'u sangkule eteudde i tou tawe nanggohakku manga tampa pasasubbanna monganna, na'oman sara tumanange sidutu mangngonggolu sasamba wuṛṛu mannambunu amania isudde.

2 MARARATU 14:4

i tou lai tawe nanggohakku manga manga tampa pasasubbanna monganna, na'oman sara tumanange sidutu mangngonggolu sasamba wuṛṛu mannutunga amania poiaroddi.

2 MARARATU 12:3

Tumba'u ma'asassilla, i tou tawe nanggohakku tampan pasasubbanna monganna, na'oman sara tumanange ta'e mangngonggolu sasamba wuṛṛu mannutunga amania isudde.

1 MARARATU 22:43

Nangaṛṛussa si Asa, iamangnge, Yosafat ma'ola'a apa apan mapia su aellegu Mawu. I tou napaawul᷊i wuassu araratuanne anambon sumasandaga esakka wuṛṛu wawine apan mammanara su manga tampa pasasubbanna paal᷊uanna apan ta'e pia lambene wuassu tempon Asa, iamangnge. Arawe manga tampa pasasubbanna udde sassane tawe nihohakke. Tumana'a ta'e sidutu mangngonggollu sasamba wuṛṛu amania poiaroddi. I Yosafat na'ola'a manga apallu Tarsis inai mangal᷊appa wul᷊awanne wuassu Ofir, arawe manga apalla udde tawe nariaddi nassenggotta ana waugu nahohakka su Ezion-Geber. Ratu Ahazia wuassu Israel naddorongnga lal᷊oṛṛon apalle massenggotta suaddio'a ringannu lal᷊oṛṛon apalli Yosafat, arawe i Yosafat nanola'a salaiwe i tou pia pa'a'aukka mapia ringannu ratun Israel. Wua'udde i Yosafat natete wuṛṛu nilabbinga su labbingu manga ratu su soan Daud. I Yoram anangnge naola'a ratu nallol᷊ossa si tou. Watti'a waine su ola'i Yosafat, su ola'u awawaṛṛanine wuṛṛu manga papangalone niwoṛṛetta sulal᷊ummu wuke Watti'u Mararatun Yehuda. Sutempo udde wanua Edom tawe uatahuanna ratu. Apan uaparenta poiaroddi tumba'u sangkatou bupati.

1 MARARATU 15:14

Salaiwe tawe su anambon tampa pasasubanna paal᷊uanna nihohakki Asa, arawe i tou sidutu matammuda su Mawu su al᷊o'engngu pabbiaṛṛanne.

1 MARARATU 15:3

I Abiam na'ola'a manga rosa ere iamangnge. I tou tawe ringannu ahewallu naungnga matammuda su Mawu Ruatane, uapapaṛṛalan Daud, iupungnge.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 11:34

Salaiwe aroddi Ya'u tawe manganu abbi ahewallu araratuanna udde wuassi tou. I tou sarun Ta'u iwala mammarenta su al᷊o'engngu pabbiaṛṛanne. Olangnge udde Ta'u niola'a ana waugu allang-Ku i Daud, apan buatte Ta'u nipile wuṛṛu matuṛṛutta su manga tita-U wuṛṛu manga parenta-U.

1 MARARATU 11:6

Etearoddi i Salomo na'ola'a rosa su saruannu Mawu. I Daud, iamangngi Salomo uatantalongnga Mawu ringannu ahewallu naungnga, arawe i Salomo tawe ereudde.

1 MARARATU 11:4

na'oman sara sutempo i tou timmaddette i mangitou nassalo'a tadea'u massuba manga mawu waine. I Daud, iamangngi Salomo, matammudda su Mawu, Ruatane, arawe i Salomo tawe nangaṛṛussa iamangnge.

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

TAHIUL᷊E 10:13

Paatuṛṛute al᷊awo'u parentan Mawu apan allo indi iwabbal᷊oru si yamiu ana wa'augu apapianu sassane.

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

DARALO 145:20

I Tou mallu'adda suapan taumata apan marangngu si Tou, arawe taumata lal᷊eo nipate-Ne.

IMAMATTA 17:5

Parenta udde pandumanne tadea'u walahannu Israel mangapidda watukku Rasanna Mawu anambon binatangnga sasamba apan inanaramanne pappototanni mangitou su wailla. I mangitou ṛinone mangapiddu aonggola udde su imam su saruannu ngaran Dasannu Mawu wuṛṛu pototanna isudde maola'a sasamban paddarame.

1 SAMUEL 9:12

“Ore, poi,” sasimbakku manga maṛṛuala udde, “wakku-wakku i tou niumamatta nalliu ṛoro siraddua. Wuṛṛu iraddua nal᷊ihakka, asinungka iraddua ma'aenggenna. I tou wakkute nirumanta su soa ana waugu allo indi su wowon mezbah su wuidda pia sasamba ionggolla su tumana'u soa. Manga taumata apan niwal᷊oanna tawe umanna amungkangu i tou taambe nirumanta, ana waugu i tou ṛinone mangal᷊amatta sasamba udde asuene. Amungkangu orassa indi iraddua inaite, iraddua sarun maaratingnga i tou tantal᷊anna taambe sinuma'a su wuidda umanna.”

1 MARARATU 8:25

I'o lai buatte naddiandi su iamangku manungku amungkangngu papapulunne atonna-tonna matuṛṛutta Si'o ere i tou, ne sidutu sarun pia sangkatou wuassu papapulunne apan maola'a ratun Israel. Orassa indi, oh Mawu Ruatan Israel, natipusse lai anambon apan buatte nipa'ire-Nu su iamangku Daud allang-Ngu udde.

1 MARARATU 8:61

Ṛinone i yamiu, uman-Ne sidutu satia su Mawu, Ruatan kite wuṛṛu matuṛṛuta su manga tita wuṛṛu manga parenta-Ne ere lai a'olaanni i yamiu su allo indi.”

1 MARARATU 14:8

I'o buatte Ta'u nionggol᷊annu araratuanna apan Ta'u niaṛṛo wuassu papapulunni Daud. Arawe i'o tawe ere allang-Ku Daud. I tou matamudda atonna si Ya'u wuṛṛu matuṛṛutta su parenta-U. I tou ma'ola'a tumba'u su apa apan ipaapulu-U.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

1 MARARATU 15:11

Ere lai i Daud, iupungngu al᷊amonane, i Asa maal᷊uassa naungngu Mawu.

2 MARARATU 12:4

Su allo sambau i Yoas namago manga imam wuṛṛu nandolokki mangitou niapasahipunna roitta apan niasombanganna wuassu manga sasamba su Wal᷊en Mawu, mawae ete roitta wawaekka pina'ola'a sasamba, ara'e lai roitta apan nionggola aroddi.

2 MARARATU 14:3

I Amazia pallal᷊agune ma'al᷊uassa naungngu Mawu, arawe i tou ere i Daud, al᷊amonane. Nangaṛṛussa iamange,

2 TAWARIKH 15:17

Salaiwe tawe anambon tampa pasasubbanna monganna su wanua udde nihohakki Asa, arawe i tou sidutu matuṛṛutta Mawu su al᷊o'engngu pabbiaṛanne.