1 MARARATU 3:28 - WUKE SUSI WATTI'U AL᷊AL᷊USASSA

²⁸ Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 3:28 Referans Kwoze

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

1 KORINTUS 1:24

Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DARALO 72:2

Antimanna I'o makkuungngu al᷊aṛṛanang-Ngu tumuṛuttu tita, wuṛṛu ma'ola'a taumata niallangnga ringannu atatul᷊idda.

1 TAWARIKH 29:24

Anambon mammamanaran araratuanna sipil wuṛṛu tantara na'oman sara manga parinsin Daud apan baine lai nanga'u si Salomo naola'a ratu.

1 SAMUEL 12:18

Ana see i Samuel inumal᷊iomante, ne su allo udde lai Mawu nanossokku rallu'a wuṛṛu uranna. Anambon walahanna udde nata'uttu Mawu wuṛṛu i Samuel.

YOSUA 4:14

Allo udde Mawu na'ola'a manga inolaanna tadea'u walahannu Israel mangaddata si Yosua ere sangkatou taumata wahewa. Su al᷊o'engngu pabbiaṛṛanne i mangitou mangngaddata si tou erelai i mangitou mangngaddata si Musa.

SASABANGNGA 14:31

Napawe taumatan Israel naasilo ereapa Mawu ringannu taṛṛino-Ne apan bahewalla naparugin taumata Mesir, i mangitou tinumiangnga na'oman sara mangngimante si Tou wuṛṛu si Musa, allang-Nge udde.

DARALO 72:4

Antimanna ratu manahekka manamba'a tumanangnge asiangnga, mantul᷊ungu manga taumata asiangnga wuṛṛu mamate manga mangangallangi mangitou.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

1 MARARATU 3:27

Ne i Salomo nabbisarate, “Arie pappate ana'a udde! Onggol᷊a'e su wawine apan paarorone udde – ete i tou inangngene.”

1 MARARATU 4:1

I Salomo naola'e ratu su ahewallu wanuan Israel.

AMSAL 16:10

Ratu nanengkamma taṛṛino wuassu Ruata, nariaddi, i tou tawe nassal᷊a sulal᷊ummu laṛṛawenne.

YESAYA 28:6

Mawu sarun mangonggollu apendamma matul᷊idda su manga mallaṛṛuungnga, wuṛṛu awawaṛṛani su manga taumata apan uamanara mandiaga soa wuassu pangalo.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

AMSAL 8:15

Manga ratu ta'u nisumbalanna mappaamattu manarane, manga tembonanne ta'u nitul᷊ungnga manohassa atatul᷊idda.

AMSAL 25:2

Ruata wabbantuhanna ana waugu apa apan iaadapping-Nge; ratu aaddatanna ana waugu apa apan tattal᷊aane.