1 MARARATU 3:26 - WUKE SUSI WATTI'U AL᷊AL᷊USASSA

²⁶ Naaringikka parenta udde, inangnga apan ṛinone wuassu ana'a udde nabbisara, “Ampunga, Tuangnga, aria pappate ana'a udde. Onggol᷊a'e si tou.” Inangnga udde nabbisara aroddi ana waugu i tou lembon marangngu anangnge. Arawe wawine apan baine udde nabbisara, Ore, ponggo'e, tadea'u su naaringikka parenta udde, inangnga apan rinone wuassu ana'a udde nabbisara, “Ampunga, Tuangnga, arie pappate ana'a udde. Onggol᷊a'e si tou.” Inangnga udde nabbisara aroddi ana waugu i tou lembon marangngu anangnge. Arawe wawine apan baine udde nabbisara, “Ore, ponggo'e, tadea'u su walatti yambua taweddu maasomba!”

1 MARARATU 3:26 Referans Kwoze

YESAYA 49:15

Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

1 YOHANES 3:17

Amungkangu sangkatou apan wiakke natimu naasilo tuṛṛange wiakke tawe natimu, arawe maddiri mantul᷊ungngu tuṛṛangnge udde, ereapa taumata udde wotongnge mabbisara manungku i tou mandangngu Ruata?

PANDARIADDI 43:30

Naungngi Yusuf sinumarootta ana waugu ma'apulute ma'asomba wuṛṛu mandangngu tuarine. Ete addio'a i tou tawe naaṛṛaddannu apulune, ana waugu udde i tou nangingkatta wua isudde ringannu mal᷊ihakka wuṛṛu sinumutta su wabbo'ane wuṛṛu nilumuai.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

FILIPI 2:1

I yamiu matohassa, ana waugu i yamiu uaaukka ringanni Kristus. Wuṛṛu i yamiu nial᷊iwuṛṛana ana waugu Kristus mandangngu si yamiu! I yamiu aehetannu Ghaṛṛahon Duata, wuṛṛu i yamiu lai uararangngu wuṛṛu uasasumbala sangkatou ringannu waine.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

2 TIMOTIUS 3:3

I mangitou maddiri mandangngu taumata sansul᷊unge, tawe mangonggolu ampunga, i mangitou apulune mandal᷊eo arannu taumata waine, taṛṛa wata'a, i mangitou maṛṛaggisa, wuṛṛu maddirin apapia.

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

DARALO 39:3

I ya'u mal᷊anna-l᷊annaba, na'oman sara naawaddo watangangku sassane. Wuṛṛu asasusa'u aapendamanna tumaniten mawakkata;

1 MARARATU 3:25

Wua'udde ratu namarenta, “Ponggo'e ana'a apan biakka udde tahia darua wuṛṛu onggol᷊a'e passampoto sitarua sangkatou-sangkatou.”

1 MARARATU 3:27

Ne i Salomo nabbisarate, “Arie pappate ana'a udde! Onggol᷊a'e su wawine apan paarorone udde – ete i tou inangngene.”