1 MARARATU 22:28 - WUKE SUSI WATTI'U AL᷊AL᷊USASSA

²⁸ Unni Mikha, “Amungkangngu i Tuangnga mabbelengnga ringannu sal᷊amatta, atappasanne Mawu tawe nabbisara si ya'u! Sarangkanambone apan uasemodda isindi maola'a matatiala.”

1 MARARATU 22:28 Referans Kwoze

MIKHA 1:2

Paddaringikke, ei manga walahanna! Panutukke, ei tumanangnge su ahewallu runia! Mawu Apan Atanggaṛṛanne rumanta maola'a tialane lumawangnga si yamiu sarangkanambone! Paddaringikke i Tou mabbisara Wuassu Wal᷊en-Ne apan susi su surga.

REENGANNA 16:29

Amungkangngu manga taumata udde mate ere su inanaramanne, tawe ṛuumanna wuassu Ruata, udde tatialane manungku i ya'u tawe nirolokku Mawu.

MARKUS 12:37

Nariaddi amungkangngu i Daud mannagon Ratum Punnu Sal᷊amatta udde ‘Mawu’, ereapa wotongnge i tou papapulunni Daud?” Taumata nambo apan su Wal᷊e Mawu udde mal᷊uassa naungnge madaringikka Mawu Yesus mangngaṛṛa'a.

AMOS 3:1

Paddaringikke tanatan Mawu indi, ei walahannu Israel apan buatte niapiddu Mawu sinumabbangnga wuassu Mesir! Mawu nabbisara,

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

2 TAWARIKH 18:27

Mikha nabbisara, “Amungkangu i Tuangnga mabelengnga ringannu sal᷊amatta, udde atappasanne manungku Mawu tawe nabbisara si ya'u. Sarangkanambone apan uasemodda indi maola'a matatialane.”

2 MARARATU 1:12

“Amungkangu atonna i ya'u allangngu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛenggenu ma'oman sara masue!” Orassa udde lai sinumossoke putungnga wuassu Ruata wuṛṛu nanutungnga tembonannu tantara udde see lai siri liman pul᷊o tantarane na'oman sara masue.

2 MARARATU 1:10

“Amungkangu i ya'u indi atonna allangu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛṛenggenu ma'oman sara masue!” Orassa udde lai sinumossokke putungnga wuṛṛu nanutungnga tembonannu tantara udde see lai siri liman pul᷊o su atoune tantarane.

YEREMIA 28:7

Arawe i'o, Hananya, wuṛṛu i yamiu sarangkanambone, ei tumana'u soa, paddaringikke indi: