1 MARARATU 22:24 - WUKE SUSI WATTI'U AL᷊AL᷊USASSA

²⁴ Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

1 MARARATU 22:24 Referans Kwoze

WATTI'U MANGA RASUL 23:2

Su tempo i Paulus nabbisara aroddi, Imam Bahewa Ananias nandolokku taumata apan uarisikka su sandiṛṛanni Paulus niapapero moṛṛongngi Paulus.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

LAL᷊ALLU 3:30

Salaiwe peroanna wuṛṛu al᷊uandahanna, ṛinone sarangkanambone udde sengkamanni ite.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YOHANES 15:18

“Amungkangngu runia maddantinni yamiu, paanaunge manungku i Ya'u doronete pinaddantinnu runia.

MARKUS 14:65

See sire pira taumata nanattakke mangngadu Mawu Yesus, wuṛṛu i mangitou nallindumma mata-Ne wuṛṛu namuulla si Tou, see nabbisara, “Si'ata'a, isai namuulla Si'o?” Manga mandariaga lai namero Mawu Yesus.

MATIUS 26:68

wuṛṛu nabbisara, “Si'ata'a wuṛṛu pasingkata'a si yami, ei Ratum Punnu Sal᷊amatta! Isai namero Si'o?”

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

1 MARARATU 22:11

Sangkatou suwallattu manga nabi udde aranne i Zedekia ana'i Kenaana, na'ola'a manga tatandu'a atta'a ana see nabbisara si Ahab, “Eteindi apan niwal᷊on Mawu, ‘Ringannu manga tatandu'a ereindi i Tuangnga sarun namaddon Siria wuṛṛu makkimunsa'a si mangitou.’ ”

WATTI'U MANGA RASUL 23:3

Ne i Paulus nabbisara imam bahewa udde, “Ruata sarun mamero si'o, taumata lilangkamal᷊e'a apan ma'iellega na'ukkassa! I'o uaianna isudde mammarikissa si ya'u tumuṛṛuttu Tita Musa, wutte'e i'o sassane nilumawangnga Tita udde ringannu nandolokku taumata niapapero si ya'u!”