1 MARARATU 22:23 - WUKE SUSI WATTI'U AL᷊AL᷊USASSA

²³ Wua'udde i Mikha nabbisara, “Ne, eteudde apan nariaddi! Mawu buatte na'ola'a manga nabin Tuangnga namahia si Tuangnga ana waugu Mawu buatte nanantunna maṛṛia'u asasilaka udde si Tuangnga!”

1 MARARATU 22:23 Referans Kwoze

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

1 MARARATU 20:42

Nabi udde nabbisarate ratu, “Eteindi apan niwisaran Mawu: ‘Taumata apan Ta'u niparentanna tadea'u pateanna buatte niwalanu naal᷊assangnga. Ana waugu udde i'o ṛinone mate maola'a hahantine. Tantaranu sarun maṛṛimunsa'a ana waugu buatte namalan tantaran seetta tinumal᷊angngu watanganne.’ ”

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

REENGANNA 24:13

salaiwe i Tuangku mangonggola si ya'u anambon sal᷊a'a wuṛṛu wul᷊awanna apan uaraddo su wal᷊en araratuanni Tuangku, i ya'u maddiri lumawangnga parentan Mawu wuṛṛu tumuṛṛutta apulun naungku? I ya'u tumba'u wotongnge mabbisaran apa irolokku Mawu iapawisara si ya'u.”

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

SASABANGNGA 10:20

Arawe Mawu na'ola'a naungngu ratu maattikka, wuṛṛu i tou maddiri mamalan taumatan Israel inai mapul᷊e.

SASABANGNGA 4:21

Mawu nabbisara si Musa, “I Ya'u buatte nangonggolu taṛṛino si'o ipa'ola'a manga al᷊aṛṛindu'a. Nariaddi amungkangngu i'o nabelengke su Mesir, ola'e manga al᷊aṛṛindu'a udde su saruannu ratu Mesir. Arawe i Ya'u sarun ma'ola'a si tou maatikka puane, na'oman sara i tou maddiri mamalan balahanna udde mangingkatta.

1 MARARATU 22:24

Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

MAL᷊AṚṚUUNGNGA 9:23

Ana see Mawu nandantan pasaseetta suwallati Abimelekh wuṛṛu manga taumatan Sikhem, na'oman sara i mangitou nilumawangnga si tou.

YEREMIA 18:11

Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.