1 MARARATU 22:19 - WUKE SUSI WATTI'U AL᷊AL᷊USASSA

¹⁹ I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

1 MARARATU 22:19 Referans Kwoze

AYUB 2:1

Manga riadianna su surga sinumaruanna Mawu apia, wuṛṛu i Mamamono'a isudde lai suwallatti mangitou.

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 1:7

Su ola'u manga mala'ekatta udde, Ruata nabbisara arendi, “Ruata nandiaddi manga mala'ekan-Ne nabbal᷊i anginna, wuṛṛu manga allang-Nge nabbal᷊i ṛenggamu putungnga.”

YEHEZKIEL 13:2

“Ei taumata apan mattate, tagguete manga nabin Israel apan mammasingkattu nubuatta apan niarangnge sassane. Doloṛṛa'e i mangitou maddaringikka wisara-U.”

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

YESAYA 28:14

Paddaringikka apa apan iwisara Mawu, ei manga taṛṛa al᷊uandaga apan uaparenta tumana'u soa su Yerusalem!

YESAYA 1:10

Yerusalem, manga piaṛṛangnge wuṛṛu walahannu naola'a ere taumatan Sodom wuṛṛu Gomora. Paddaringikke apa apan niwisara Mawu si'o, panutukke apa apan niaṛṛa'u Ruata si ite.

SONDAPPA 5:11

Wua'udde i ya'u naasilo lai. I ya'u naaringikka tingikku mala'ekatta su ṛiwune wuṛṛu su jutane anambone. I mangitou uarisikka uapal᷊iwutta adderan araratuanna wuṛṛu sire appata riadianna see manga piaṛṛange udde,

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

ZAKARIA 1:10

I mangitou nirolokku Mawu iapaparikissa runia.”

AMOS 7:16

Ne ana waugu udde paddaringgkke apa apan iwabbal᷊on Mawu si'o. Ana waugu i'o manninga'u mannase manal᷊are walahannu Israel.

YEREMIA 29:20

Wuṛṛu i yamiu sarangkanambone buatte Ta'u niwuanga watukku Babel, paddaringikka si Ya'u, Mawu, apan nabbisara.’

YEREMIA 2:4

Paddaringikke tanata Mawu, ei i yamiu pallaṛṛiten Yakub, manga walahannu Israel!

1 SAMUEL 16:14

I Saul linantangngu Ghaṛṛahon Mawu, wuṛṛu orassa indi i tou assansarannu ghaṛaho lal᷊eo apan nirolokku Mawu.

1 MARARATU 22:20

Mawu naiwal᷊o, ‘Isai apan sarun massal᷊o'i Ahab tadea'u i tou mappulu inai mappapangalo wuṛṛu mate su Ramot su Gilead?’ Sasimbakku manga mala'ekatta udde uapapaṛṛala.

SASABANGNGA 24:9

Wua'udde i Musa, i Harun, i Nadab, i Abihu wuṛṛu siri pitun pul᷊o piaṛṛa'a udde sinumaate wowone,

SASABANGNGA 24:10

wuṛṛu i mangitou naasilote Ruata Israel uarisikka al᷊iurosone su sambau tampa naal᷊ihidda apampakku wal᷊en wuassu nilam, wuṛṛu ma'elomma naal᷊ihidda langitta masemakka.

REENGANNA 24:3

wuṛṛu i tou nabbisaran papatta indi, “Eteindi tanatan i Bileam, ana'i Beor, wisaran sangkatou masingkatta mani'atta

DARALO 81:9

Paddaringikke parenta-U, ei al᷊aṛṛana-U, Israel, unnu wisara i yamiu maddaringikka si Ya'u!

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.