1 MARARATU 22:16 - WUKE SUSI WATTI'U AL᷊AL᷊USASSA

¹⁶ I Ahab sinumimbakka, “Amungkangngu i'o mabbisara si ya'u ringannu arannu Mawu, wal᷊oa'e ringannu atonna. Paapira i'o ta'u iappanaungnga su ola'u hatto udde?”

1 MARARATU 22:16 Referans Kwoze

WATTI'U MANGA RASUL 19:13

Pia sire pira tonaassu Yahudi apan u'aamatta su al᷊awo'u tampa, mallimbuakka ghaṛṛaho lal᷊eo wuassu manga taumata. Manga tonaassa udde ma'annama lai mappaattu arannu Mawu Yesus ipallimbuakka manga ghaṛṛahon setanna udde. I mangitou mabbisara su manga ghaṛṛahon setanna udde, “Ringannu arannu Mawu Yesus apan iwabatti'i Paulus udde, i ya'u mallimbuakka si yamiu!”

MARKUS 5:7

Ringannu tingikka apan ma'ikkatta i tou inumui, “Yesus, Ana'u Ruata Apan Atanggaṛṛanne! Sarun urannu i ya'u indi? Ringannu arannu Ruata i ya'u sumal᷊ande, arie panansara si ya'u!” (

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

2 TAWARIKH 18:15

Ahab sinumimbakka, “Amungkangu i'o mabbisara si ya'u ringannu arannu Mawu, pasingkata'e ringannu atonna. Paapirate i'o ṛinone ta'u iapanaungnga su ola'u hatto udde?”

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

1 MARARATU 22:15

Napawe i Mikha na'omate su saruanni Ratu Ahab, ratu naiwal᷊o, “Wotongngewe i ya'u wuṛṛu Ratu Yosafat inai mamangalo Ramot, ara'e tawe?” “Pamangalote!” sasimbakki Mikha. “Mawu sarun mangonggollu auntunganna si Tuangnga.”

1 MARARATU 22:17

I Mikha nabbal᷊issa, “I ya'u naasilo tantaran Israel nassal᷊iawukka su manga wowone. I mangitou naal᷊ihidda domba tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'e i mangitou mapul᷊e ringannu sal᷊amatta.’ ”

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

YEREMIA 38:14

Su sambau tempo apan baine, Ratu Zedekia nandolokku taumata mangapi'u sumaruanna si tou su ngara pasallanganna apan atallune su Wal᷊e Mawu. I tou nabbisara si ya'u, “I ya'u mappulu maiwal᷊o si'o, wuṛṛu i'o ṛinone sumimbakka ringannu masema-semakka. Imbaṛṛangnga piaddu iwuni.”

REENGANNA 22:38

I Bileam sinumimbakka, “Ne, orassa indi ya'u nirumantate. Arawe i ya'u tawe taṛṛino mabbisaran al᷊awo'u wisara tumba'u amungkangngu Mawu mandolo'u iapawisara.”

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.