1 MARARATU 21:26 - WUKE SUSI WATTI'U AL᷊AL᷊USASSA

²⁶ I Ahab na'ola'a manga rosa apan lembon maarantinna; i tou massubba paal᷊uanna ere apan a'olaannu taumatan Amori, eteudde manga taumata apan buatte nilimbuaṛṛannu Mawu niapasabbangnga wuassu wanua Kanaan sutempo taumatan Israel sinumutta su wanua udde.

1 MARARATU 21:26 Referans Kwoze

2 MARARATU 21:11

“I Ratu Manasye tumaniten dal᷊eo. Pallal᷊agune maddal᷊eoanna wuassu pallal᷊agun taumatan Kanaan. Ringannu manga paal᷊uanna apan nilanginne, i tou naarosa taumatan Yehuda.

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YESAYA 65:4

Sutempo ṛabbi i mangitou inaite watukku manga liangnga wuṛṛu lal᷊abbinganna maddorongnga tatantiro su manga ṛimuuddu taumata nate. I mangitou u'inassa wawi wuṛṛu ma'inumma sawon ṛemessa apan isassingadda.

2 TAWARIKH 36:14

Wal᷊ine wua'udde lai, Wal᷊en Mawu apan buatte niṛṛaen Mawu sassane hunan Tou, nil᷊al᷊eon manga piaṛṛa'u Yehuda, manga imam, wuṛṛu tumanangnge, ana waugu i mangitou lai suadio'a massubba paal᷊uanna wuṛṛu nangaṛṛussa ola'u pabbiaṛṛanna apan maarosa wuassu walahanna apan ual᷊indonganni mangitou.

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

2 TAWARIKH 15:8

Napawe i Asa naaringikka wisaran Azarya ana'i Oded udde, naungnge natohasse apia. I tou nangingkattu anambon paal᷊uanna su wanuan Yehuda wuṛṛu Benyamin, wuṛṛu manga soa apan buatte niwaddone su panenteannu Efraim, ana see i tou nangapia mezbah Mawu apan uaraddo su rallakku Wal᷊en Mawu.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

2 MARARATU 16:3

I tou mabiakka ere manga ratun Israel, manungku mangonggolu parinsine sassane maola'a sasamba su monganna, tumuṛṛuttu anaramanna lal᷊eo wuassu manga taumata apan bautte nilimbuaṛṛannu Mawu wuassu wanua Kanaan sutempo taumatan Israel namanuate su wanua udde.

1 MARARATU 15:12

Anambon sumasandaga mammanara su manga tampa pasasubbanna monganna nilimbuaṛṛanne, wuṛṛu anambon paal᷊uanna apan niola'u manga ratu apan namarenta nalliu ṛoro wuassi tou nipappassa wuassu ahewallu wanua.

TAHIUL᷊E 12:31

Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

YOSUA 23:9

Manga walahanna apan bahewalla wuṛṛu matohassa buatte nilimbuaṛannu Mawu ana waugu i yamiu, tawe saran sangkatou wuassi mangitou apan botongnge maaroappa si yamiu.