1 MARARATU 21:25 - WUKE SUSI WATTI'U AL᷊AL᷊USASSA

²⁵ Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

1 MARARATU 21:25 Referans Kwoze

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

AMSAL 22:14

Sasal᷊o'u wawine masandaga maoala'a sedda; taumata apan aasa'uannu Mawu umul᷊ussa sulal᷊umme.

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

WATTI'U MANGA RASUL 14:2

Arawe manga taumatan Yahudi apan maddiri mangngimanna, mammono'a manga taumata wal᷊ine Yahudi, na'oman sara i mangitou mannaungnga lal᷊eo su manga taumata apan mangngimanna Mawu Yesus.

1 MARARATU 21:7

“I'o indi ratun Israel!” sasimbakki Izebel. “Pabbangunte orassa indi wuṛṛu ante. Paal᷊uasse naungngu, ana waugu i ya'u sarun mangonggollu waillu anggori Nabot si'o!”

WATTI'U MANGA RASUL 6:12

Ete aroddi i mangitou mapawawul᷊o manga taumata, wuṛṛu manga piaṛṛa'u Yahudi, wuṛṛu manga hurun agama. See i mangitou inaite nanametta si Stefanus, wua'udde i tou niapidda sinumaruanna Mallaṛṛuungngu Agama.

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

2 MARARATU 23:25

Taambe saran paassa pia ratu ere i Ratu Yosia apan matuṛṛutta Mawu ringannu ahewallu naungnge, napal᷊iatta'u pabbiaṛanne wuṛṛu pallal᷊agune, uasul᷊ungu anambon tita apan uawoṛṛetta sulal᷊ummu Wuken Musa. Manansunna si Ratu Yosia, tate lai ratu ere i tou.

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

1 MARARATU 22:52

Su tonna mapul᷊o pitu pamamarentan Datu Yosafat wuassu Yehuda, i Ahazia ana'i Ahab naola'a ratun Israel ana see namarenta Israel al᷊annune rua tonna su Samaria.

2 MARARATU 9:34

Ana see i Yehu sinumutta sulal᷊ummu wal᷊en araratuanna wuṛṛu inumanna. Wua'udde i tou nabbisara, “Wawine niawontohanna. Salaiwe aroddi, labbinga'e winal᷊unanne, ana waugu i tou ana'u ratu.”

SASABANGNGA 34:16

Amungkangngu manga anangngu ma'awingngu manga wawinen taumata raho, i mangitou sarun isal᷊o'u manga wawine udde tadea'u manantang-Ku wuṛṛu massubba manga Mawu mangitou.

1 MARARATU 16:25

I Omri na'ola'a manga rosa apan maggewal᷊anne wuassu apan buatte niola'u manga ratu apan namarenta dorone wuassi tou.

1 MARARATU 22:53

I tou na'ola'a rosa su Mawu ringannu nangaṛṛussa iamangnge wuṛṛu inangngene wuṛṛu nangaṛṛussa si Ratu Yerobeam apan pangillul᷊eanne taumatan Israel na'ola'a rosa.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

NEHEMIA 13:26

Wisara'u, “Wal᷊inewe rosa indi lai niola'i Ratu Salomo? Tawe datu su runia indi apan maggewal᷊anna wuassi tou. Ruata nandangngu si tou wuṛṛu na'ola'a si tou ratu su ahewallu Israel. Salaiwe aroddi i tou buatte nisal᷊o'u manga wawinen balahanna waine tadea'u ma'ola'a rosa.