1 MARARATU 21:20 - WUKE SUSI WATTI'U AL᷊AL᷊USASSA

²⁰ Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 21:20 Referans Kwoze

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

1 MARARATU 18:17

Sutempo i Ahab naasilo si Elia, i Ahab nangintul᷊i, “Indete i tou mangangal᷊iba'ukka su Israel!”

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

EFESUS 4:19

I mangitou tate lai apendamma massili, na'oman sara i mangitou tuttuṛṛuta apulu naungnga, wuṛṛu mabbiakka sussandaga walate apulu naungngi mangitou.

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?

MARKUS 12:12

Ne manga pira piaṛṛa'u walahannu Yahudi apan naaringikka sasumandingnga udde, mangke maddea'a manametta Mawu Yesus, ana waugu i mangitou masingkatte sasumandingnga udde ipammasendekku Mawu Yesus si mangitou. Arawe i mangitou matta'uttu taumata nambo. Nariaddi, i mangitou inaite nanantangngu Mawu Yesus.

AMOS 5:10

I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.

2 TAWARIKH 18:17

Ana see i Ahab nabbisara si Yosafat, “Wal᷊inewe atonna wisara'u? Taambe saran paassa i tou namasingkatta si ya'u ringannu mapia! Sidutu tumba'u mammasingkattu al᷊eoanne!”

2 TAWARIKH 18:7

Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu taambe saran paassa i tou na'ola'a ira-ira apan mapia si ya'u; sidutu alal᷊eoanne.” “E, arie pabbisara aroddi!” sasimbakki Yosafat.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

1 MARARATU 16:30

I tou na'ola'a manga rosa apan maggewal᷊anna su aellegu Mawu wuassu manga ratu dorone wuassi tou.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

YEHEZKIEL 14:4

Ana waugu udde, wal᷊oa'e si mangitou manungku i Ya'u, Mawu Apan Atanggaṛṛanne nannanata arendi, ‘Suapan taumatan Israel apan buatte nanantillu watanganne su paal᷊uanna wuṛṛu namala batanganne manawo sulal᷊ummu rosa, ana see rumanta maddorongnga tatantiro su sangkatou nabi, sarun Ta'u simbaṛṛanna sassane ringannu sasimbakke apan suṛṛinone su manga paal᷊uanne apan manambo udde!

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.