1 MARARATU 21:13 - WUKE SUSI WATTI'U AL᷊AL᷊USASSA

¹³ Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

1 MARARATU 21:13 Referans Kwoze

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.

WATTI'U MANGA RASUL 6:11

Ana waugu udde i mangitou nangonggolu roitta su manga pira taumata iapawisara, “I yami naaringikka taumata udde mangngadio'a si Musa wuṛṛu Ruata!”

YOHANES 19:12

Napawe i Pilatus naaringikka udde, i tou mangke maddea'a lal᷊anne mamallossu Mawu Yesus. Arawe manga taumatan Yahudi mangke u'ui, “Amungkangngu ituangnga mamallosi Tou, ituangnga wal᷊ine haweng Kaisar! Taumata apan mangnga'u ririne ratu, ete i tou seetti Kaisar!”

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

MATIUS 9:3

Manga pira hurun agama apan isudde lai nabbisara sulal᷊ummu naungnga, “Taumata indi mangngal᷊uandaga Ruata!”

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

AMOS 7:10

Amazia, imam su Betel, nangirimmu aalae si Yerobeam ratun Israel, “Amos tantal᷊anna ma'iren tumanangnge tadea'u lumawangnga si Tuangnga. Manga hattone apan mammono'a tumana'u soa pangillul᷊eanne wanua indi maṛṛimunsa'a.

YESAYA 8:21

Manga taumata apan naṛṛiaannu susa wuṛṛu mal᷊unussa sarun mamal᷊intaddu wanua udde. Ana waugu mal᷊unussa, i mangitou mangke mandona na'oman sara mangnganen datu wuṛṛu Ruata mangitou. Suapan tampa i mangitou ma'ellega, tumatingngara,

MANNANASE 10:20

Imbaṛṛangnga mamansaggu ratu, salaiwe tumba'u sulal᷊ummu naungnga. Imbaṛṛangnga mallela taumata ala, salaiwe su wabbo'ane sassane. Asinungka sambau manu'u winalanganna maaringikka apa apan iwabbisaranu, ana see mamasingkatta su taumata ia'umbilangngu.

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

AMSAL 25:18

Aansilla awusu wotongnge maapate, naal᷊ihidda hal᷊ele, darupa ara'e anaanna maṛṛoro.

AMSAL 19:9

Taumata apan mangngawusu su pallaṛṛuunganna sarun iṛṛuumanna wuṛṛu pateanna.

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

DARALO 35:11

Manga matatiala lal᷊eo dirumarisikka lumawangnga si ya'u, wuṛṛu nangansilla manungku i ya'u na'ola'a manga inolaanna apan awaganangku.

DARALO 27:12

Arie i ya'u itantilla su apulun naungngu see'u, apan namangalo si ya'u ringannu wawahia wuṛṛu wawansaga.

AYUB 2:9

Awingnge nabbisara si tou, “I'o ta'e lai satia su Ruata? Otte wontehete I tou, ana see i'o atete!”

AYUB 1:11

Arawe unnu wisara anambon paa'alane udde ul᷊ean-Nu apia, i tou sarun masal᷊a mamontoga Si'o!”

AYUB 1:5

Suapan andeangnga muddussa, i Ayub sidutu matimmpu'o maṛṛanggappa wuṛṛu mangonggollu sasamban manga anangnge tadea'u i mangitou ampungannu Mawu. Waugu i Ayub maṛṛingidda, wotongnge mariaddi al᷊aṛṛanangnge udde buatte na'ola'a rosa wuṛṛu mangngadio'a Ruata ringannu tawe nipattatudda.

TAHIUL᷊E 22:24

Sulal᷊ummu hatto udde i mangitou ṛinone iapidda su liuddu soa wuṛṛu tuntungannu watu ma'oman sara mate. Maṛṛuala udde ṛinone pateanna ana waugu i tou tawe niumui maiontolla, ana waugu olangnge udde nariaddi sulal᷊ummu soa, suapan aintul᷊ine wotongnge iaringikka. Wuṛṛu esakka udde ṛinone pateanna ana waugu i tou natatamban maṛṛuala apan piate parene. Ringannu nakkuumanni tarua, i yamiu mangngisue al᷊al᷊eo udde.

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

TAHIUL᷊E 5:20

Imbaṛṛangnga mattialan bahia su ringannu taumata.

SASABANGNGA 20:16

Imbaṛṛangnga mattiala awusu su ola'u taumata waine.

IBRANI 11:37

I mangitou tinuntungannu watu na'oman sara nate, piaddu niponggo'u laṛṛahari, wuṛṛu piaddu nipaten hal᷊ele. I mangitou lullallele ringannu laubba wuassu pisin domba ara'e pising kambinga; i mangitou asiangnga, pappateanna wuṛṛu sassansaranna.

1 MARARATU 21:14

Watti'a su ola'u pamamate si Nabot niapasingkatta si Izebel.

2 MARARATU 6:32

Ana see ratu nandolokku sangkatou niapal᷊iuṛoro wuassi tou watukku wal᷊en Elisa. Tempo udde i Elisa tantal᷊anna su wal᷊en, wuṛṛu manga pira matatimmadu soa tantal᷊anna mattindaho isudde. Tantal᷊anna daroloṛannu ratu udde taambe na'oma, i Elisa nabbisara su matatimmadu soa udde, “Panutukke! Taṛṛa pate udde udde nandolokku taumata iapapate si ya'u. Amungkangu taumata udde na'omate isindi, ṛuura'a ngara, wuṛṛu i tou arie paasutta'a. Panginsueanne ratu sarun dumanta sassane.”

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

AYUB 31:39

unnu wisara hessine nasue ta'u nianna, wuṛṛu mabbawailla apan nassuanna niwala mal᷊unussa,

AMSAL 19:28

Mattiala awusu, atappasanne tawe mangaregan tita; mannilaka taumata, matemangnga pendamanne su taumata lal᷊eo.