1 MARARATU 20:39 - WUKE SUSI WATTI'U AL᷊AL᷊USASSA

³⁹ Napawe ratu sinumabbite, nabi udde namo'a si tou, “Tuangnga Apan Mawantuga, sutempo i ya'u tantal᷊anna mapapangalo su tampan papangaloanna, sangkatou tantara nangapidda ringangku sangkatou seetta apan niasametta. Tantara udde nabbisara, “Riaggaite taumata indi mapia-pia. Amungkangngu i tou tumal᷊angnga, i'o sarun pateanna ipallol᷊ossa si tou ara'e mamaekka 3.000 roitta sal᷊a'a.”

1 MARARATU 20:39 Referans Kwoze

2 MARARATU 10:24

Ana see i Yehu wuṛṛu Yonadab nangonggolu sasamba si Baal. Su liuddu wal᷊en wahewalla, i Yehu buatte nangaddon 80 su atoune mandariaga wuṛṛu tembonannu tantara. I tou lai buatte nangonggolu parenta indi si mangitou, “I yamiu ṛinone mamate anambon taumata udde. Isai apan napaatal᷊angu sangkatou wuassi mangitou, sarun pateanna!”

AMSAL 13:8

Taumata ala ṛinone mapasabbangngu roinne tadea'u wiakke matammudda; taumata asingnga nal᷊iu wuassu hol᷊aga.

AMSAL 6:35

I tou tate iasal᷊o'u roitta; salaiwe aonggolla ereapa anambone tawe ma'ompo'u asasa'une.

DARALO 49:7

I mangitou sarun mangasakku paa'alane, wuṛṛu mamungan darotongnge.

AYUB 36:18

Paatehammawe, ariewe i'o aawusuannu roitta aonggolla; arie i'o awal᷊intongannu paa'ala.

1 MARARATU 20:42

Nabi udde nabbisarate ratu, “Eteindi apan niwisaran Mawu: ‘Taumata apan Ta'u niparentanna tadea'u pateanna buatte niwalanu naal᷊assangnga. Ana waugu udde i'o ṛinone mate maola'a hahantine. Tantaranu sarun maṛṛimunsa'a ana waugu buatte namalan tantaran seetta tinumal᷊angngu watanganne.’ ”

SASABANGNGA 21:30

Arawe amungkangngu tatahuannu sapi udde niwala mamaekka sal᷊ane, i tou ṛinone mamaekka anambone nassulungngu raddoronganna ipanubbussa niawane.

1 MARARATU 20:40

Arawe wua'udde sutempo i ya'u tantal᷊anna mammanara manambo, taumata udde tinumal᷊angngu watanganne.” Ratu sinumimbakka, “I'o buatte nangema'u ṛuumannu sassane. I'o sarun mamasanna udde.”

YEREMIA 48:10

Niawontohante taumata apan tawe mapaamattu manara wuassu Mawu ringannu atonna-tonna. Niawontohante i tou apan tawe nanawutta hal᷊ele wuṛṛu mamate.