1 MARARATU 20:34 - WUKE SUSI WATTI'U AL᷊AL᷊USASSA

³⁴ Ana see unni Benhadad si tou, “I ya'u sarun mamelengnga si Tuangnga manga soa apan buatte niaṛṛon iamangku wuassu iamangngi Tuangnga. I Tuangnga wotongnge lai mapararisikku pabbawal᷊u'anna su soan Damsyik ere apan niola'u iamangku su Samaria.” Sasimbakki Ahab, “Wuassu pinangianannu paairen Tuangnga udde, i ya'u sarun mamallossi Tuangnga.” Wua'udde i Ahab na'ola'e pa'aire ringanni Benhadad ana see namallossi tou.

1 MARARATU 20:34 Referans Kwoze

1 MARARATU 15:20

I Benhadad niumire ringannu aahe udde ana see nandolokku manga tembonannu tantarane su addio'a ringannu tantaran mangitou namangalo manga soan Israel. I mangitou namaddon Iyon, Dan, Abel-Bet-Maakha wuṛṛu Kinerot maranin Rano Galilea see ahewallu wageangngu leta'i Naftali.

YESAYA 26:10

Salaiwe taumata lal᷊eo olaanna ringannu mapia, i tou tawe lai mangurumma apa apan ṛinone. Su araratuannu pallaṛṛuungnga lai i tou ma'ola'a pasasal᷊a, wuṛṛu maddiri tumantalongnga taṛṛino Mawu.

1 MARARATU 20:42

Nabi udde nabbisarate ratu, “Eteindi apan niwisaran Mawu: ‘Taumata apan Ta'u niparentanna tadea'u pateanna buatte niwalanu naal᷊assangnga. Ana waugu udde i'o ṛinone mate maola'a hahantine. Tantaranu sarun maṛṛimunsa'a ana waugu buatte namalan tantaran seetta tinumal᷊angngu watanganne.’ ”

YESAYA 8:12

“Arie massunna komplotanna apan aellehanni mangitou komplotanna, wuṛṛu arie mata'uttu manga inolaanna apan iaata'utti mangitou.

2 TAWARIKH 18:30

Sutempo udde tembonannu tantaran keretan pangalon Siria buatte niparentannu ratune tumba'u iapapangalo ratun Israel.

2 TAWARIKH 16:4

Benhadad inumire darorongnga udde ana see i tou nandolokku manga piaṛṛa'u tantarane suadio'a ringannu tantaran mangitou namangalo manga soan Israel. I mangitou namaddon soa Iyon, Dan, Abel-Bet-Maakha wuṛṛu anambon pangangadoannu anna su leta'u Naftali.

1 MARARATU 22:31

Sutempo udde siri talun pul᷊o dua tembonanu tantara kereta pangalon Siria buatte niparentannu ratune inai tumba'u mamangalo ratun Israel.

1 SAMUEL 11:1

Wua'udde i Nahas, ratun Amon, nangapiddu tantarane ana see namangalo soan Yabesh su wageangngu leta'u Gilead. Taumatan Yabesh nangonggolu ṛingidda si Nahas, “Pa'ola'e pa'aire ringanni yami, ne yami sarun massuṛṛubbawa si'o.”

1 MARARATU 20:33

Atonna manga piaṛṛa'u tantaran Benhadad udde tantal᷊anna uaṛṛaddo tatiala mapia wuassi Ahab. Nariadi, sutempo i Ahab nabbisara, “tuṛṛangnga”, i mangitou lapiddu sinumibakka, “Atonna, i Benhadad uddewe tuṛṛangngi Tuangnga.” Ana see unni Ahab, “Apira'a i tou inawarendi!” Napawe i Benhadad na'omate, i Ahab nangahe si tou sinuma'e kereta.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

1 SAMUEL 15:8

Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.