1 MARARATU 20:33 - WUKE SUSI WATTI'U AL᷊AL᷊USASSA

³³ Atonna manga piaṛṛa'u tantaran Benhadad udde tantal᷊anna uaṛṛaddo tatiala mapia wuassi Ahab. Nariadi, sutempo i Ahab nabbisara, “tuṛṛangnga”, i mangitou lapiddu sinumibakka, “Atonna, i Benhadad uddewe tuṛṛangngi Tuangnga.” Ana see unni Ahab, “Apira'a i tou inawarendi!” Napawe i Benhadad na'omate, i Ahab nangahe si tou sinuma'e kereta.

1 MARARATU 20:33 Referans Kwoze

WATTI'U MANGA RASUL 8:31

Taumata udde sinumimbakka, “Ereapa i ya'u maasunna, amungkangngu taweddu manal᷊a'a si ya'u?” See i tou nangahe si Filipus sinuma'e su kereta wuṛṛu inuma'ianna su adio'a ringanni tou.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

AMSAL 25:13

Daroloṛṛanna apan matuṛṛutta, maal᷊uassa mandarolokke, naal᷊ihidda ua'e masunge su mangangitingnga wailla.

2 MARARATU 10:15

I Yehu nanassukku amatanne. Su tangngan dal᷊anna, i tou sinal᷊ohoanni Yonadab ana'i Rekhab. I Yehu nattabea wuṛṛu nabbisara, “Wal᷊inewe i ite naungnga sambua? I'o maapuluwe mallal᷊ima si ya'u?” “Ore,” sasimbakki Yonadab. “Amungkangu aroddi, wette iaddua ma'a'agasse lima,” sasimbakki Yehu. Ne itarua na'a'agasse lima, wuṛṛu i Yehu nantul᷊ungi Yonadab sinuma'e sulal᷊ummu keretane,

1 MARARATU 15:18

Ana waugu udde i Ratu Asa nanganu anambon bul᷊awanna wuṛṛu sal᷊a'a apan ta'e pia su Wal᷊en Mawu wuṛṛu wal᷊en araratuanna ana see niiringnga watukku Damsyik si Benhadad ratun Siria, ana'i Tabrimon, eteudde pulunni Hezion. Manga saranapa udde niiringnga su manga pira mammamanaran wal᷊en araratuanna, ringannu tanata manansunna indi,

1 MARARATU 20:32

Ne i mangitou nalluṛṛeten laubba karongnga wuṛṛu tal᷊i su ullekka mangitou, ana see inaite sinumaruanna si Ahab wuṛṛu nabbisara, “I Benhadad uddewe allangngi Tuangnga. I tou sinumal᷊ande tadea'u i Tuangnga tawe mamate si tou.” I Ahab sinumimbakka, “Ta'e wiakka i tou, tuṛṛangku udde?”

1 MARARATU 20:34

Ana see unni Benhadad si tou, “I ya'u sarun mamelengnga si Tuangnga manga soa apan buatte niaṛṛon iamangku wuassu iamangngi Tuangnga. I Tuangnga wotongnge lai mapararisikku pabbawal᷊u'anna su soan Damsyik ere apan niola'u iamangku su Samaria.” Sasimbakki Ahab, “Wuassu pinangianannu paairen Tuangnga udde, i ya'u sarun mamallossi Tuangnga.” Wua'udde i Ahab na'ola'e pa'aire ringanni Benhadad ana see namallossi tou.