1 MARARATU 20:28 - WUKE SUSI WATTI'U AL᷊AL᷊USASSA

²⁸ Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

1 MARARATU 20:28 Referans Kwoze

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

YEHEZKIEL 12:16

Sambageanganna addio'a wuassi mangitou sarun Ta'u iapasal᷊amatta wuassu papangalo, wuassu ṛutumma, wuṛṛu ṛiwutta, tadea'u su pattangngannu manga walahanna raho udde i mangitou sarun maatutukka manungku i mangitou buatte na'ola'a al᷊al᷊eo wahewa. Ne i mangitou sarun manga'u manungku ete i Ya'u Mawu.”

DARALO 79:10

Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”

YEHEZKIEL 36:32

Naungete ei Israel, manungku sarangkanambone udde sarun Ta'u olaanna wal᷊inewe ana waugu i yamiu. I yamiu ṛinone maapendamma asasili wuṛṛu addio'a ana waugu pallal᷊agunu. I Ya'u Mawu Apan Atanggaṛṛanne buatte nabbisara.’ ”

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YEHEZKIEL 11:12

Ne i yamiu masingkatte manungku ete i Ya'u Mawu wuṛṛu i yamiu Ta'u iṛṛuumanna ana waugu buatte nilumawangnga manga parenta-Ku ringannu tuttuṛṛutta manga titan balahanna maraninu.”

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

1 MARARATU 13:1

Sutempo udde pia sangkatou nabi su Yehuda. I tou nirolokku Mawu inai watukku Betel. Nabi udde na'omate poiaroddi sutempo i Yerobeam tantanl᷊anna uarisikka su saruannu mezbah mangngonggollu sasamba.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

TAHIUL᷊E 29:6

I yamiu tawe roti annananna, ua'e anggore ara'e ua'e ma'awu'anna, arawe Mawu nangonggolu al᷊awo'u apa pappan pappandumanni yamiu tadea'u i yamiu masingkatta manungku ete i Tou Mawu Ruatanu.

SASABANGNGA 8:22

Arawe i Ya'u sarun ma'ola'a al᷊aṛṛaene su leta'u Gosyen, su tampa al᷊aṛṛana-U uatana'a. Poiaroddi tawe lango, tadea'u i yamiu masingkatta manungku i Ya'u, Mawu apan na'ola'a udde.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

1 MARARATU 20:29

Su al᷊annune pitu allo taumatan Siria wuṛṛu taumatan Israel sidutu sulal᷊ummu paddasananni mangitou, uasasaruanna. Su allo appitune i mangitou mannattakke uapapangalo. Sulal᷊ummu pangalo udde taumatan Israel namate 100.000 suatoune taumatan Siria.

YESAYA 36:20

Monganna suapa apan buatte namallossu wanuane wuassu taṛṛino'u? Tawe mariaddi Mawu manal᷊amatta Yerusalem!’ ”

2 SAMUEL 10:13

I Yoab wuṛṛu tantarane inaite namangalo, na'oman sara tantaran Siria nampattal᷊angnga.

1 MARARATU 18:36

Sutempo nia'omante tempone mangonggollu sasamban bawallo, i Nabi Elia nangundanin mezbah udde ana see niumal᷊iomanna, “Oh Mawu, Ruata apan sassubbanni Abraham, i Ishak wuṛṛu i Yakub, papal᷊iatta'e orassa indi manungku Ete I'o Ruata su Israel, wuṛṛu i ya'u allang-Ngu. Pal᷊iatta'a'e lai manungku al᷊awo'a apan ta'u niola'a indi udde wuassu parenta-Nu.

1 MARARATU 18:37

Simbakke, Mawu! Simbakke si ya'u tadea'u awada'alla indi masingkatta manungku I'o, oh Mawu, uddewe Ruata, wuṛṛu manungku ete I'o apan na'ola'a si mangitou mabbelengnge ringan-Nu.”

2 TAWARIKH 32:19

I mangitou uahahatton ola'u Ruata apan sassubbanna su Yerusalem ere lai su ola'u manga mongannu walahanna waine, eteudde manga paal᷊uanna apan nilanginnu liman taumata.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”