1 MARARATU 20:15 - WUKE SUSI WATTI'U AL᷊AL᷊USASSA

¹⁵ Ne ratu napaasabbangke manga tantara saṛṛentumuwo mandariaga manga bupati. Sarangkanambone pia 232 suatoune tantara. Wua'udde i tou na'ola'a inolaanna apan uasul᷊ungnga ringannu tantaran Israel. Sarangkanambone pia 7.000 suatoune.

1 MARARATU 20:15 Referans Kwoze

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

2 MARARATU 13:7

Wuntuannu pangalon Israel buatte niṛṛamunsa'u ratun Siria na'oman sara i Ratu Yoahas tumba'u pia 50 tantaran awal᷊o, 10 keretan pangalo, wuṛṛu 10.000 su atoune tantara.

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

1 SAMUEL 14:2

Su orassa udde i Saul uasirungnga su al᷊ungngu alu delima su Migron, tawe marau wuassu Gibea. Tumanangnge apan uatantalongnga si tou iraṛṛangngo 600 su atoune anambone.

MAL᷊AṚṚUUNGNGA 7:16

Ana see i Gideon nattahia tallu ṛasutta tantarane naola'a tallun kawageanganna. Sangkatou-sangkatou nionggol᷊annu trompeta sambau wuṛṛu awo'a pangadoannu sol᷊o.

MAL᷊AṚṚUUNGNGA 7:7

Wua'udde Mawu nabbisara si Gideon, “Ringannu siri tallu ṛasutta su atoune apan nallewa ua'e udde, i Ya'u sarun mamallosi yamiu wuṛṛu iapauntunga su taumata Midian. Doloṛṛa'e popaapulea'a ingana'a waine.”

1 MARARATU 20:14

“Isai apan ṛinone mamangalo paarorone?” aiwal᷊on Ahab. Nabi udde sinumibakka, “Manga tantara saṛṛentumuwo, manga mandadariagga bupati. Etearoddi wisaran Mawu.” “Wuṛṛu Isai apan mamiaṛṛa'u pamamangalo udde?” aiwal᷊on ratu apia. “I Tuangnga sassane,” sasimbakku nabi udde.

1 MARARATU 20:16

Pamamangalo nitattakka allo sutempo i Benhadad wuṛṛu tallun pul᷊o dua ratu apan naola'a hawene udde tantal᷊anna ma'inumma na'oman sara niwu'anne sulal᷊ummu rasanni mangitou.

DARALO 33:16

Ratu tawe maauntunga ana waugu manambo tantarane, tantara tawe maasal᷊amatta ana waugu atatohanne.