1 MARARATU 20:14 - WUKE SUSI WATTI'U AL᷊AL᷊USASSA

¹⁴ “Isai apan ṛinone mamangalo paarorone?” aiwal᷊on Ahab. Nabi udde sinumibakka, “Manga tantara saṛṛentumuwo, manga mandadariagga bupati. Etearoddi wisaran Mawu.” “Wuṛṛu Isai apan mamiaṛṛa'u pamamangalo udde?” aiwal᷊on ratu apia. “I Tuangnga sassane,” sasimbakku nabi udde.

1 MARARATU 20:14 Referans Kwoze

1 MARARATU 18:44

Su appitune allangnga udde nabbelengnga wuṛṛu nabbisara, “I ya'u naasilo winabbawa addio'a ere pal᷊addu lima nirumanta wuassu tahal᷊oangnga.” Ne i Elia nabbisara su allangnge, “Roote ringanni Ratu Ahab, doloṛṛa'a i tou pasaea'a keretane wuṛṛu paapul᷊ea'a tantal᷊anna i tou taambe aurananna.”

1 SAMUEL 17:50

I Daud tinumal᷊angnga nattuddan Goliat, ana see dirumarisikka maranine; i tou nanganu hal᷊elen Goliat wuṛṛu nisawutta wuassu papaṛanganne, ana see niṛṛassi'a puan taumatan Filistin udde. Etearoddi olangnge i Daud namaddo wuṛṛu namate si Goliat, tumba'u ringannu ali-ali wuṛṛu watu! Napawe manga taumatan Filistin naasilo manungku atumannaṛṛanni mangitou natete, i mangitou tinumal᷊angnga.

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

1 MARARATU 20:15

Ne ratu napaasabbangke manga tantara saṛṛentumuwo mandariaga manga bupati. Sarangkanambone pia 232 suatoune tantara. Wua'udde i tou na'ola'a inolaanna apan uasul᷊ungnga ringannu tantaran Israel. Sarangkanambone pia 7.000 suatoune.

1 MARARATU 20:17

Apan niumamatta dorone eteudde manga tantara saṛṛentumuwo udde. Manga taumata apan nirolokki Benhadad iapataṛṛoso'o seetta, nabbal᷊o si Benhadad manungku ammul᷊annu tantara tantal᷊anna ruddanta ringanni mangitou wuassu Samaria.