1 MARARATU 20:13 - WUKE SUSI WATTI'U AL᷊AL᷊USASSA

¹³ Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

1 MARARATU 20:13 Referans Kwoze

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

YEHEZKIEL 20:22

Arawe i Ya'u tawe na'ola'a tadea'u arang-Ku tawe lobbosannu manga walahanna apan naasilo si Ya'u nangapiddu Israel sinumabbangnga wuassu Mesir.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

2 MARARATU 7:1

I Elisa sinumimbakka, “Paddaringikka apa apan niwal᷊on Mawu! Tiṛabbi, iraṛangngo tempone ereindi lai, ringannu tumba'u sambau roitta sal᷊a'a wotonge maawalli tatallu su kilone ganduma apianne ara'e annumu kilo ganduma lihidde waine.”

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

YEHEZKIEL 6:7

Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

2 MARARATU 13:23

Arawe Mawu marangnge walahan-Ne wuṛṛu nangampunga si mangitou. I Tou maddiri mamalan mangitou pateanna, arawe nangontolla si mangitou, ana waugu pa'aire-Ne si Abraham, si Ishak wuṛṛu si Yakub. Na'oman sara orassa indi i Tou tawe maabul᷊in walahan-Ne.

2 SAMUEL 10:13

I Yoab wuṛṛu tantarane inaite namangalo, na'oman sara tantaran Siria nampattal᷊angnga.

1 MARARATU 20:14

“Isai apan ṛinone mamangalo paarorone?” aiwal᷊on Ahab. Nabi udde sinumibakka, “Manga tantara saṛṛentumuwo, manga mandadariagga bupati. Etearoddi wisaran Mawu.” “Wuṛṛu Isai apan mamiaṛṛa'u pamamangalo udde?” aiwal᷊on ratu apia. “I Tuangnga sassane,” sasimbakku nabi udde.

1 MARARATU 20:22

Wua'udde nabi udde nirumanta ringanni Ahab wuṛṛu nabbisara, “Orassa indi, mappianne i tuangnga mapule wuṛṛu manohassa waddangnga see ma'ola'a hol᷊aga apan mapia-pia, ana waugu ratun Siria sarun dumanta mamangalo apia sutempo manontongnga apan manansunna.”

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

2 MARARATU 3:18

Ana see i Elisa nanassukku wisarane, “Arawe su Mawu udde tumba'u inolaanna addio'a. I Tou sarun mangonggolu auntunganna si yamiu su manga taumatan Moab.

2 TAWARIKH 20:15

ne i tou nabbisara, “Tuangnga Apan Mawantuga see lai manga tuṛṛangnga sarangkanambone. Mawu nabbisara manungku i yamiu tawe wotongnge mallome ara'e mata'utta sumaruanna tantara apan manambo udde. Ana waugu apan mapapangalo wal᷊inewe i yamiu, ewe'e Ruata.

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”