1 MARARATU 2:37 - WUKE SUSI WATTI'U AL᷊AL᷊USASSA

³⁷ Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

1 MARARATU 2:37 Referans Kwoze

2 SAMUEL 1:16

I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

2 SAMUEL 15:23

Tumanangnge sarangkanambone lulluai ringannu ma'ikkatta napawe manga tantaran Daud nanantangngu soa. Wua'udde ratu tinumumbete ana'u Sal᷊ukku Kidron tatantalongannu tantarane, ana see niumamatte i mangitou su wadda'a.

YOSUA 2:19

Amungkangu su wallati mangitou piaddu sumabbanga wuassu wal᷊en indi wuṛṛu nate niapate, papatene udde sal᷊ane sassane; yami waggan hatto udde. Arawe amungkangu piaddu nasilaka sulal᷊ummu wal᷊en indi, udde singkatteng kami.

YOHANES 18:1

Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

2 MARARATU 23:6

Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

1 MARARATU 15:13

Iupungnge wawine, i Maakha, niapaaddone wuassu manarane Inangngu ratu, ana waugu i tou buatte na'ola'a paaluanna sassubbanna apan masandaga hunan Asyera, mongannu asasuwukka. I Asa napaṛṛa'a paal᷊uanna udde wuṛṛu nisoṛṛobba su Wawal᷊annu Kidron.

1 MARARATU 2:33

Ṛuumanna ana waugu apapaten darua tembonannu tantara udde sarun pasannananni Yoab wuṛṛu papapulunne saran mal᷊annu-l᷊annu. Arawe anambon papapulunnu iamangku apan naola'a ratu, sidutu sarun aal᷊amatannu Mawu – i mangitou apan naauntungnga.”

1 MARARATU 2:31

Naaringikka udde ratu nabbisara, “Roote wuṛṛu amata'e apa apan niwisarane udde. Patete i tou wuṛṛu labbinga'a i tou, tadea'u i ya'u wuṛṛu anambon papalunnu iamangku waggan pamamate apan niola'i Yoab su taumata apan tawe sal᷊ane.

1 MARARATU 2:38

“Ore, Tuangnga Apan Mawantuga,” sasimbakki Simei. “I ya'u sarun tumuṛṛutta parentan Tuangnga.” Ne i Simei natana'e su Yerusalem manga pira tempo al᷊annune.