1 MARARATU 2:15 - WUKE SUSI WATTI'U AL᷊AL᷊USASSA

¹⁵ I Adonia sinumbakka, “Inangnga masingkatta manungku ete i ya'u apan ṛinone maola'a ratu; udde aaggasan ninatimannu ahewallu Israel. Arawe apan nariaddi udde wal᷊ine; tuari'u apan naola'a ratu, ana waugu Mawu mappandumma aroddi.

1 MARARATU 2:15 Referans Kwoze

1 MARARATU 1:25

Allo indi lai i tou buatte nangonggollu sasamba manambo domba, sapi esakka wuṛṛu ana'u sapi apan mangkatawa. Anambon ana'i Tuangnga buatte niwal᷊oanne. Wuṛṛu lai manga tembonannu tantaran Tuangnga, wuṛṛu Imam Abyatar. Orassa indi i mangitou tantal᷊anna ma'ola'a andeangnga ringani tou wuṛṛu maggio, ‘Wiakke Ratu Adonia!’

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

2 SAMUEL 16:18

I Husai sinumimbakka, “Tawe mariaddi! I ya'u manamba'a taumata apan nipilen Mawu, wuṛṛu manga taumata indi, wuṛṛu anambon taumatan Israel. Ete taumata udde apan sarun tantalongangku.

2 SAMUEL 7:12

Allo addantane, napawe nia'omante papatenu, wuṛṛu i'o ilabbinga su labbingu al᷊amonanu, sangkatou wuassu anangngu esakka sarun Ta'u itenega maola'a ratu. Ete i tou apan mapararisikku wal᷊e-U. Araratuanne sarun Ta'u tohassanna wuṛṛu saran mal᷊annu-l᷊annu sangkatou papapulunne sarun mamarenta maola'a sangkatou ratu.

2 SAMUEL 15:13

Wua'udde sangkatou mangangapiddu watti'a nangalae si Daud, “manga taumatan Israel nanamba'ate si Absalom.”

2 SAMUEL 15:6

Etearoddi pallal᷊aghun Absalom su saruannu anambon taumatan Israel apan inai mangalaen hattone su ratu, ne ringannu aroddi i Absalom naapanganu naungngu taumatan Israel.

2 SAMUEL 12:24

Wua'udde i Daud nallimbatte naungngi Batsyeba awingnge, ana see natiille su sambau. I Batsyeba nanungkangu sangkatou ana'a esakka nisaggon Daud aranne i Salomo. Mawu marangngu ana'a udde

2 SAMUEL 3:3

i Kileab. Inangnge eteudde i Abigail, inawal᷊uanni Nabal wuassu Karmel. i Absalom. Inangnge eteudde i Maakha, ana'i Ratu Talmai wuassu Gezur.

2 SAMUEL 3:4

i Adonia. Inangnge eteudde i Hagit. i Sefaca. Inangnge eteudde i Abital.

1 MARARATU 1:38

Ne i Zadok, i Natan, i Benaya wuṛṛu mandariaga ratu napasa'en Salomo su bagallu ratu, ana see i mangitou nangopassa watukku al᷊imatan kua'en Gihon.

1 MARARATU 2:14

Ana see i tou nabbisara apia, “Pia sambau apan ta'u doronganna wuassu inangnga.” “Apa?” Aiwal᷊on Batsyeba.

1 MARARATU 2:16

Orassa indi ya'u pia sambau darorongnga, antimanna Inangnga tawe manol᷊a'a.”

1 MARARATU 2:22

“Anio Inangnga maddorongnga olangnge udde si ya'u?” aiwal᷊on Salomo. “Udde nassul᷊ungngu maddorongnga tadea'u i ya'u mangonggollu araratuanna indi si tou. Wal᷊inewe i tou iaangku? See lai Imam Abyatar wuṛṛu Yoab uasamba'a si tou!”

1 MARARATU 1:39

Wua'udde i Zadok nanganu tampan lanan zaitun apan buatte niapidde wuassu Rasannu Mawu, ana see i tou nanenegi Salomo ringannu nappaattu lana udde. Trompetta lai nitiuppe wuṛṛu awadaalla isudde naggio, “Wiakke Ratu Salomo!”