1 MARARATU 19:17 - WUKE SUSI WATTI'U AL᷊AL᷊USASSA

¹⁷ Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

1 MARARATU 19:17 Referans Kwoze

2 MARARATU 13:22

Su al᷊o'engu tempo i Yoas uaparenta, i Hazael ratun Siria mangngallanga taumatan Israel.

2 MARARATU 13:3

Ana waugu udde Mawu nasa'u su Israel, na'oman sara i Tou namalan Hazael ratun Siria wuṛṛu i Benhadad anangnge, masokka-sokka namaddon Israel.

2 MARARATU 8:12

“Anio i Tuanga nilumuai?” aiwal᷊on Hazael. “Ana waugu i ya'u masingkattu al᷊al᷊eo apan niolangu su saruannu taumatan Israel,” unni Elisa. “I'o sarun manoṛṛobba manga soane apan pia tatandange watu, mamate manga taumata saṛentumuwo apan apianne, wuṛṛu mangattonga manga al᷊aṛana'a maradio'a see mama'a tiannu manga wawine apan pia illoṛṛo.”

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

2 MARARATU 10:32

Sutempo udde Mawu nanatakke mangngadio'a wageangu leta'u Israel. I Hazael ratun Siria nangaṛṛo ahewallu wageangu leta'u Israel

SONDAPPA 19:21

Wuṛṛu ammul᷊annu tantara mangitou nipaten hal᷊ele apan sinumabbanga wuassu moṛṛongu sumasa'e awal᷊o mawira udde. Ne manga manu'u winalanganna lai nirumanta wuṛṛu niuminassa ṛemessi mangitou apan nipate udde.

AMOS 5:19

Olangnge naal᷊ihidda taumata apan tinumal᷊angngu watanganne wuassu singa, arawe nassomban beruangnga. Arawe ere taumata apan napul᷊e watukku wal᷊en wuṛṛu nangunsandakku limane su darandunga, ana see nipul᷊issu atonna!

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

2 MARARATU 9:14

Etearoddi i Yehu nanggol᷊age mando'appa si Ratu Yoram apan orassa udde uatana'a su Yizreel. I Yoram inai poiaroddi maiundammu manga lessane apan nal᷊essa sulal᷊ummu pangalo su Ramot mando'appa si Hazael ratun Siria. I Yehu nabbisara su manga hawene tembonannu tantara, “Amungkangu i yamiu ma'apulu i ya'u maola'a ratu, paariagai tadea'u tawe saran sangkatou apan sumabbanga wuassu Ramot inai mamasingkatta su manga taumatan Yizreel.”

2 MARARATU 8:8

i tou nabbisara si Hazael, sangkatou mammamanarane, “Apira'a aonggola su nabi udde, wuṛṛu padorongke tadea'u i tou maiwal᷊o Mawu, tanne i ya'u indi mapia ara'e tawe.”

2 MARARATU 9:2

Napawe i'o na'omate poiaroddi paddea'e si Yehu ana'i Yosafat pulunni Nimsi. Aheite i tou sassane watukku sambau wabbo'a,

2 MARARATU 9:20

Mandariaga wal᷊en padariaganna udde nabbal᷊o apia manungku daroloṛṛanna udde na'omate ringannu ammul᷊annu tantara udde, arawe tate nabelengnga. Ana see i tou nabbisara apia, “Asinungka piaṛṛa'u ammul᷊annu tantara udde i Yehu, ana waugu i tou uasa'e keretan pangalone naal᷊ihidda taumata wewa.”

2 MARARATU 9:25

Ana see i Yehu nabbisara si Bidkar mandariagane, “Apa i'o ta'e ma'anaungnga, sutempo i ite uasa'e awal᷊o uatantalonga si Ahab, iamangi Yoram? Sutempo udde Mawu nabbisara si Ahab, ‘I ya'u masingkata isai namate si Nabot wuṛṛu manga allange aṛṛabbi, wuṛṛu i Ya'u maddiandi sarun makkuumannu su wailla indi lai.’ ” “Ana waugu udde,” unni Yehu nanassukku wisarane su mandariagane udde, “Lomboa'e winal᷊unanni Yoram udde su wailli Nabot, tadea'u ṛuumannu Mawu Ruata iapamatta si tou.”

2 MARARATU 12:17

Sutempo udde i Hazael ratun Siria namangalo wuṛṛu namanua su soa Gat. Ana see i tou piate pandumma inai lai mamangalo Yerusalem.

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

2 MARARATU 9:24

I Yehu nangannatta al᷊ati'anne wuṛṛu namiti'a si Yoram su liudde nallappassa sara pappuso. I Yoram nawantinga wuṛṛu nate sulal᷊ummu keretane.