1 MARARATU 18:5 - WUKE SUSI WATTI'U AL᷊AL᷊USASSA

⁵ I Ahab nabbisara si Obaja, “Wette i ite mamal᷊intaddu ahewallu wanua indi wuṛṛu maddea'a al᷊imatan kua'e su sal᷊ukka. Asinungka i ite sarun maasangkalla nannal᷊o ipanal᷊amatta awal᷊o wuṛṛu bagalli ite, tadea'u i ite salaiwe tawe mamate saran sambau wuassu winatangngi ite.”

1 MARARATU 18:5 Referans Kwoze

YOEL 1:18

Winatangnga papadul᷊iananna mammiṛṛonganna wuṛṛu u'ambul᷊isadda; tate lai wadda'u nannal᷊o si tou. Ammul᷊annu domba lai ringanna naṛṛasa.

HABAKUK 3:17

Salaiwe alu ara tawe buane, wuṛṛu punnu anggore tawe anggorene, salaiwe pangangitingngu zaitun naasomba angngone wuṛṛu hessin gandumma su wawail᷊anna maadio'a naungnga, salaiwe manga domba nate abbi wuṛṛu tanda'u winatangnga papadul᷊iananna tawe loṛṛone,

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.

DARALO 104:14

I'o napatuwon nannal᷊o maola'a wiakku winatangnga, wuṛṛu su taumata al᷊awo'u hatin sasuanna. Ne i tou wotongnge mabbailla,

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 18:6

Napawe buatte nattahia wageangngu leta'a apan sarun ipal᷊intadda udde, ne i mangitou inaite. I Ahab su lal᷊anna sambau wuṛṛu i Obaja su lal᷊anna apan baine.

YEREMIA 14:3

Manga mangangimbe taumata ala nirolokka maddea'a ua'e su al᷊awo'u tampa; tate loṛṛone wensadda apan niapiddi mangitou apia. Ringannu u'al᷊iwu wuṛṛu tate antimma i mangitou massili wuṛṛu nallindumma hati.

YOEL 1:20

Ewe'e lai manga winatangnga mal᷊aṛṛaga su mahurangnge sussal᷊ande Si'o maddorongnga sasumbala. I mangitou tawe mapangulen ararou, ana waugu manga sal᷊ukka mangke natti abbi ua'ene.

AMOS 4:8

Su manga pira soa, tumanangnge nallometen ararou, maddea'a ua'e su soa waine, arawe ua'e isudde tawe mattiudda. Salaiwe aroddi, i yamiu ta'e lai maddiri mabbelengnga ringang-Ku.