1 MARARATU 18:44 - WUKE SUSI WATTI'U AL᷊AL᷊USASSA

⁴⁴ Su appitune allangnga udde nabbelengnga wuṛṛu nabbisara, “I ya'u naasilo winabbawa addio'a ere pal᷊addu lima nirumanta wuassu tahal᷊oangnga.” Ne i Elia nabbisara su allangnge, “Roote ringanni Ratu Ahab, doloṛṛa'a i tou pasaea'a keretane wuṛṛu paapul᷊ea'a tantal᷊anna i tou taambe aurananna.”

1 MARARATU 18:44 Referans Kwoze

LUKAS 12:54

Mawu Yesus nabbisara lai su taumata nambo, “Amungkangngu i yamiu maasilo winabbawa wuassu samba'an waṛṛatta, i yamiu lapiddu mabbisara, ‘Sarun manguranna,’ Wuṛṛu atonna-tonna manguranna.

AYUB 8:7

Paa'alanu apan nawul᷊i udde tawe aregane isumandingngu sarangkanambone apan asombangannu.

MIKHA 1:13

I yamiu tumana'a Lakhis, pasea'e awal᷊o su Keretan pangalo! I yamiu nattanno manga rosa apan niola'a Israel na'oman sara Yerusalem narosa lai.

1 SAMUEL 6:10

Manga taumata udde tinumuṛṛutta; i mangitou nanganu darua sapi apan ta'e mappasusu, ana see niapawol᷊engnga roda, arawe manga ana'u sapi udde nitaṛṛo sulal᷊ummu tanda'a.

1 SAMUEL 6:7

Ana waugu udde saddiaite sambau roda wakku ringannu sapi darua apan ta'e sussusu, wuṛṛu taambe nipaatta niapawol᷊engnga roda. Pasea'e sapi darua su roda wuṛṛu ul᷊uhete manga ana'u sapi udde pawelenga'a sulal᷊ummu tatandangnge.

1 MARARATU 18:43

Su mangangimbene i tou nabbisara, “Saate su puidde wuṛṛu pa'ellege watukku tahal᷊oangnga.” Allangnga udde sinuma'a, see nabbelengnga wuṛṛu nabbisara, “I ya'u tawe naasilo manga apa.” Na'oman sara paapitu i Elia nandolokku allangnga wua suma'a see lumintukka iapa'ellega.