1 MARARATU 18:39 - WUKE SUSI WATTI'U AL᷊AL᷊USASSA

³⁹ Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

1 MARARATU 18:39 Referans Kwoze

1 MARARATU 18:24

Wala'e manga nabi udde umal᷊iomanna su manga monganni mangitou, wuṛṛu i ya'u lai sarun umal᷊iomanna su Mawu. Apan sumimbakka ringannu mangirimmu putungnga, ete i Tou Ruata.” Awadaalla sinumimbakka ringannu tingikka ma'ikkatta, “Aroddite!”

2 TAWARIKH 7:3

Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

WATTI'U MANGA RASUL 4:16

I mangitou mabbisara, “Ṛinone olaanni ite ereapa manga taumata indi? Anambon taumata apan uatana'a su Yerusalem masingkate manungku al᷊aṛṛindu'a apan wahewalla indi, niola'i tarua. I ite tawe mappassinaaddu olangnge udde.

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

MAL᷊AṚṚUUNGNGA 13:20

Tantal᷊anna putungnga lukkenggamma sussal᷊oi wuassu mezbah udde, i Manoah wuṛṛu awingnge naasilo mala'ekattu Mawu udde niumawitta sulal᷊ummu ṛenggammu putungnga udde, mattuddan langitta. Wakkute udde i Manoah naatutukka manungku udde mala'ekattu Mawu; ne i tou wuṛṛu awingnge niumal᷊intudate nassubba. Tate saran paassa i mangitou naasilo mala'ekatta udde apia.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

EZRA 1:3

Antimanna Ruata mallu'adda si yamiu sarangkanambone apan naola'a uman-Ne. I yamiu ṛinone mapul᷊e watukku Yerusalem wuṛṛu mapararisikku apia Wal᷊en Mawu, Ruatan Israel, Ruata apan uatana'a su Yerusalem.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

DARALO 118:27

Mawu uddewe Ruata, i Tou naungnge masaṛṛionto'a si ite. Inaite amatte suadio'a ringannu rannan kalu aagasanna, wuṛṛu pamal᷊iwutte mezbah Mawu.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

DARALO 50:7

“Paddaringikke, al᷊aṛṛana-U, i Ya'u mabbisara, Israel, i Ya'u mattiala su saruanni yamiu; i Ya'u indi Ruata, Ruatanu.

DARALO 94:16

Isai mangambanga si ya'u su saruannu taumata lal᷊eo? Isai apan manamba'a si ya'u su saruannu taumata inolaanne lal᷊eo?

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’