1 MARARATU 18:36 - WUKE SUSI WATTI'U AL᷊AL᷊USASSA

³⁶ Sutempo nia'omante tempone mangonggollu sasamban bawallo, i Nabi Elia nangundanin mezbah udde ana see niumal᷊iomanna, “Oh Mawu, Ruata apan sassubbanni Abraham, i Ishak wuṛṛu i Yakub, papal᷊iatta'e orassa indi manungku Ete I'o Ruata su Israel, wuṛṛu i ya'u allang-Ngu. Pal᷊iatta'a'e lai manungku al᷊awo'a apan ta'u niola'a indi udde wuassu parenta-Nu.

1 MARARATU 18:36 Referans Kwoze

1 MARARATU 18:29

Etearoddi i mangitou tawe maddo na'oman sara wawallo ere taumata niintaṛṛoannu ṛimuudda. Arawe taweddu sinumimbakka, wuṛṛu taweddu maddaringikka.

2 MARARATU 19:19

Ore Mawu, Ruatan kami, pallosaawe yami wuassu manga taumatan Asyur udde, tadea'u al᷊awo'u walahanna su runia masingkata manungku tumba'u I'o Ruata.”

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

EFESUS 3:14

Ana waugu udde i ya'u niumal᷊intudda su saruannu Iamangnga.

EFESUS 1:17

I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

WATTI'U MANGA RASUL 3:1

Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna.

YOHANES 11:42

I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

DANIEL 8:13

Wua'udde i ya'u naaringikka sangkatou mala'ekatta nabbisara iapa waine, “Maddatingngu tiangngera sarangkanambone apan aasiloanna sulal᷊ummu sondapa udde aasiloanna? Maddatingngu tingngera tantaran surga wuṛṛu wal᷊en patataṛṛamawuanna udde mangke laṛṛindanna?”

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

1 TAWARIKH 29:18

Oh Mawu Ruata, apan sassubbanni Abraham, i Ishak wuṛṛu i Yakub, al᷊amonan kami, antimanna I'o mallu'adda tadea'u al᷊aṛṛanang-Ngu sidutu marangngu Si'o ere lai su orassa indi wuṛṛu tul᷊ungaawe tadea'u sarangkal᷊o'engnge sidutu tuttuṛṛuta Si'o.

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

2 MARARATU 1:6

I mangitou sinumimbakka, “Sangkatou esakka nirumanta naisasomban kami, wuṛṛu nandolokki yami niapawelengnga wuṛṛu iapawal᷊o si Tuanga manungku Mawu nabbisara arendi si Tuanga, ‘Apa su Israel tawe Ruata, na'oman sara i'o nandolokka iaparoronga tatantiro wuassi Baal-Zebub, mongannu soan Ekron? I'o tawe mapia wuassu radda'a, i'o sarun mate!’ ”

2 MARARATU 1:3

Arawe mala'ekattu Mawu nandolokki Elia, nabi wuassu Tisbe, inai maisasomban manga daroloṛanni Ratu Ahasia iapawisara, “Apa su Israel tawe Ruata, na'oman sara i yamiu inai maddorongnga tatantiro si Baal-Zebub, mongannu soa Ekron udde?

1 MARARATU 22:28

Unni Mikha, “Amungkangngu i Tuangnga mabbelengnga ringannu sal᷊amatta, atappasanne Mawu tawe nabbisara si ya'u! Sarangkanambone apan uasemodda isindi maola'a matatiala.”

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

PANDARIADDI 32:9

Wua'udde i Yakub niumal᷊iomanna, “Oh Ruata, apan sassubannu iupungku Abraham, wuṛṛu iamangku i Ishak, daringiṛṛewe i ya'u! Mawu buatte nandolo'u mapul᷊e mabelengnga watukku wanua'u wuṛṛu manga tuṛṛangku. Wuṛṛu Mawu naddiandi sarun mangatokku al᷊awo'u hausanna apan mapia si ya'u.

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

WATTI'U MANGA RASUL 10:30

I Kornelius sinumimbakka, “Tallu allo nal᷊iu, iraṛṛangngo su tempo ereindi, i ya'u tantal᷊anna u'al᷊iomanna su wal᷊e puulla tatallu wawallo. Inaṛṛombanganne sangkatou esakka nirumarisikka su saruangku. Laubbu taumata udde sussal᷊ol᷊otta.

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

SASABANGNGA 4:5

Unnu Mawu, “Pa'ola'e aroddi tadea'u manga taumatan Israel mangimanna manungku i Ya'u, Mawu, Ruata iupungngu al᷊amona mangitou, Ruatan Abraham, Ishak wuṛṛu Yakub, buatte naipasilon batangan-Ne si'o.”

1 MARARATU 18:35

Ne ua'e nangelekke uapal᷊iwutta mezbah udde na'oman sara hote lai nepenen ua'e.

1 MARARATU 18:37

Simbakke, Mawu! Simbakke si ya'u tadea'u awada'alla indi masingkatta manungku I'o, oh Mawu, uddewe Ruata, wuṛṛu manungku ete I'o apan na'ola'a si mangitou mabbelengnge ringan-Nu.”

1 MARARATU 20:13

Tantal᷊anna udde, sangkatou nabi inaite ringanni Ahab wuṛṛu nabbisara, “Mawu nabbisara: ‘I'o maasilo tantara apan manambo udde? I Ya'u sarun mangonggollu auntunganna si'o si mangitou su allo indi. I'o sarun maasingkatta manungku ete i Ya'u Mawu.’ ”

2 MARARATU 1:10

“Amungkangu i ya'u indi atonna allangu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛṛenggenu ma'oman sara masue!” Orassa udde lai sinumossokke putungnga wuṛṛu nanutungnga tembonannu tantara udde see lai siri liman pul᷊o su atoune tantarane.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

2 SAMUEL 7:26

Su al᷊awo'u tampa taumata sidutu mammantuga aran-Nu wuṛṛu mabbisara, ‘Mawu Apan Lembontaṛṛino eteudde Ruatan Israel.’ Ne saran mal᷊annu-l᷊annu sangkatou wuassu papapulungku sarun mamarenta maola'a ratu su walahanna indi.

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

2 MARARATU 5:8

I Nabi Elisa naaringikka olange udde, lapiddu nananata su ratun Israel, “Anio sussinggawanga? Doloṛṛa'a taumata udde inawarendi ringangku tadea'u i tou maasingkatta manungku su Israel indi pia sangkatou nabi!”

2 MARARATU 20:11

I Yesaya inumal᷊iomanna su Mawu, ana see Mawu na'ola'a lintau udde sinumoṛṛotta 10 barissa su orassu matannallo udde.

2 TAWARIKH 30:6

Wuassu parentan datu wuṛṛu manga mamanaran araratuanne manga daroloṛṛanna nirolokke watukku ahewallu leta'u Yehuda wuṛṛu Israel niapaapiddu manga suratta apan tingikke ereindi: “Tumana'u Israel! I yamiu napallosse wuassu taṛṛinon taumatan Asyur. Orassa indi yamiu ṛinone mabelengnga mangaddatta Mawu, Ruata apan sassubbanni Abraham, Ishak wuṛṛu Yakub, tadea'u i Tou lai mabelengnga mangontolla si yamiu apia.