1 MARARATU 18:26 - WUKE SUSI WATTI'U AL᷊AL᷊USASSA

²⁶ Ne i mangitou namile sambau sapi wuṛṛu nanaddiate. Wua'udde i mangitou niumal᷊iomanna si Baal wuassu marua allo naddatingngu allattune lapiddu mangngintul᷊i, “Simbakke si yami, Baal!” I mangitou ma'ola'a udde lapiddu massal᷊aingnga uapal᷊iwutta mezbah mangitou. Arawe tawe sasimbakka saran addio'a.

1 MARARATU 18:26 Referans Kwoze

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

1 KORINTUS 12:2

Paanaunge manungku su tempo i yamiu taambe naaillal᷊a Mawu, i yamiu niawono'anna massubba paal᷊uanna apan mou.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

MATIUS 6:7

Amungkangngu i yamiu umal᷊iomanna, arie mal᷊o'e-l᷊o'e ere su manga taumata apan tawe ma'aillal᷊a Mawu. I mangitou massunna manungku darorongngi mangitou sarun daringiṛṛanna ana waugu aal᷊iomanni mangitou mal᷊o'e aroddi.

ZEFANYA 1:9

I Ya'u sarun makkuumannu anambon taumata apan mattaṛṛamawu ere taumata apan tawe maailal᷊a si Ya'u, wuṛṛu apan nanna'o see mammate tadea'u malloṛṛo wal᷊en mawune ringannu manga saranapa apan niaṛṛo.”

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

1 MARARATU 18:24

Wala'e manga nabi udde umal᷊iomanna su manga monganni mangitou, wuṛṛu i ya'u lai sarun umal᷊iomanna su Mawu. Apan sumimbakka ringannu mangirimmu putungnga, ete i Tou Ruata.” Awadaalla sinumimbakka ringannu tingikka ma'ikkatta, “Aroddite!”

1 MARARATU 18:25

Ana see unni Elia su manga nabi Baal udde, “Ana waugu yami manambo, i yamiu pamilete dorone sapi wuṛṛu panaddiate, arawe arie pakkunuttu putungnga su alune. Wua'udde aal᷊iomante su mawunu.”

1 MARARATU 18:27

Su allattune i Elia mannattakke mangngal᷊uandaga si mangitou. “Aal᷊iomante lembon maikkatta lai! I tou mawu, are? Asinungka i tou tantal᷊anna maṛṛingidda, ara'e niumuru. Wotongnge mariaddi lai i tou tantal᷊anna sinumal᷊ele! Ara'e asinungka i tou tantal᷊anna mattiilla, wuṛṛu i yamiu ṛinone mamu'o si tou!”

SASABANGNGA 8:14

Taumata Mesir nangammulu a'akka nate udde na'oman sara ua'ombo, wuṛṛu sara ahewallu wanua mawukku'a.

1 SAMUEL 5:3

Sutempo tumana'u Asdod tiṛṛabbine marua allo rumanta sutampa patataṛṛamawuanna udde, i mangitou naasilo manungku paal᷊uanni Dagon nanawo uarammangnga su leta'a, su saruannu Wantallu Pa'airen Mawu! I mangitou namengketta pa'al᷊uanna udde wuṛṛu nisul᷊e apia su tampane.

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.