1 MARARATU 18:24 - WUKE SUSI WATTI'U AL᷊AL᷊USASSA

²⁴ Wala'e manga nabi udde umal᷊iomanna su manga monganni mangitou, wuṛṛu i ya'u lai sarun umal᷊iomanna su Mawu. Apan sumimbakka ringannu mangirimmu putungnga, ete i Tou Ruata.” Awadaalla sinumimbakka ringannu tingikka ma'ikkatta, “Aroddite!”

1 MARARATU 18:24 Referans Kwoze

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

1 TAWARIKH 21:26

Ana see i Daud napararisikku sambau mezbah Mawu isudde, wuṛṛu nangonggolu sasamba itattambunna see lai sasamban paddarame. Wua'udde i tou inumal᷊iomanna ne Mawu sinumimbakka aal᷊iomanne udde ringannu nanossokku putungnga wuassu langitta apan nanutungnga manga sasamba apan uarandanga su mezbah udde.

2 TAWARIKH 7:3

Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.

2 TAWARIKH 7:1

Napawe i Ratu Salomo buatte niumal᷊iomanna, putungnga niumonto'a wuassu langitta nanutungnga manga sasamba apan nionggola su Mawu. Ana see semakku darantan Mawu namene Wal᷊en Mawu udde,

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

MAL᷊AṚṚUUNGNGA 6:21

Wua'udde mala'ekattu Mawu udde nangul᷊ukku limane ana see ringannu pentakku alu apan aagasanne, i tou nangeṛetta ṛemessa wuṛṛu roti udde. Watu udde niṛumenggamma lapiddu nasue natutungnga ṛemessa wuṛṛu roti udde. Ana see mala'ekatta udde nawul᷊ite.

YESAYA 39:8

I Ratu Hizkia sinumimbakka, “Mapia lai tanata Mawu apan niapasingkannu si ya'u.” I tou sinumimbakka aroddi ana waugu naṛṛingidda, “Sawal᷊iate araratuangku sidutu mal᷊angnganna wuṛṛu su paddarame su al᷊o'engngu allo i ya'u mabbiakka.”

2 SAMUEL 14:19

Ratu nabbisara, “Ete i Yoab apan nandolokku?” Wawine udde sinumimbakka, “Ringannu niawan Tuangku, allangngu tawe mapadandillu aiwal᷊on Tuangku. Atonna Tuangku, i Yoab buatte namasingkatta allangngu sarangkanambone apan olaannu allangngu wuṛṛu iwisaran allangngu.

PANDARIADDI 4:26

I Set pia ana'a esakka aranne i Enos. Ete su tempo udde taumata nanattakka mannagon arannu Mawu napawe massubba.

1 MARARATU 18:23

Orassa indi apira'e inawarendi darua sapi esakka. Doloṛṛa'a manga nabin Baal udde manganu sambau wuṛṛu maṛṛata ana see addo'a su alu ipapputungnga. Arawe i mangitou tawe maaṛṛenggama putungnga isudde. Sapi apan sambau lai sarun ta'u saddianna aroddi lai. I ya'u sarun maṛṛata wuṛṛu manattadda see iaddo su wowon alu ipapputungnga. Arawe i ya'u lai tawe maaṛṛenggama putungnga isudde.

1 MARARATU 18:25

Ana see unni Elia su manga nabi Baal udde, “Ana waugu yami manambo, i yamiu pamilete dorone sapi wuṛṛu panaddiate, arawe arie pakkunuttu putungnga su alune. Wua'udde aal᷊iomante su mawunu.”

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

YEREMIA 27:18

Amungkangngu i mangitou atonna nabi, wuṛṛu buatte nanengkamma tanata wuassia-U, natantunna orassa indi i mangitou maddorongnga si Ya'u, Mawu Apan Lembontaṛṛino, tadea'u manga saranapa apan ta'e pia su Wal᷊e-U wuṛṛu su wal᷊en araratuanna su Yerusalem tawe ṛootanna watukku Babel.

1 MARARATU 2:38

“Ore, Tuangnga Apan Mawantuga,” sasimbakki Simei. “I ya'u sarun tumuṛṛutta parentan Tuangnga.” Ne i Simei natana'e su Yerusalem manga pira tempo al᷊annune.