1 MARARATU 18:21 - WUKE SUSI WATTI'U AL᷊AL᷊USASSA

²¹ Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

1 MARARATU 18:21 Referans Kwoze

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

2 MARARATU 17:41

Nariaddi, i mangitou massubba Mawu, arawe massubba lai manga paal᷊uanni mangitou. Na'oman sara allo indi lai papapulunni mangitou ta'e ma'ola'a inolaanna udde.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

PANDARIADDI 44:16

“Yami taweddu ipabbisara, Tuangku?” sasimbakki Yehuda. “Ereapa yami wotongnge mapaasal᷊a wuṛṛu mapaaṛṛinon batanganni yami? Mawu Ruata buatte napal᷊iatta'u pasasal᷊an kami. Orassa indi yami sarangkanambone allangngi Tuangnga, wal᷊ine tumba'u i tou apan niasombanganna piala udde.”

PANDARIADDI 24:50

I Laban wuṛṛu i Betuel sinumimbakka, “Ana waugu sarangkanambone apan buatte nariaddi indi darantane wuassu Mawu, i yami tawe suṛṛinone makkawessa.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

LUKAS 6:13

Napawe allote, i Tou namagote mallal᷊aṛṛenggen-Ne, see namilete sire mapul᷊o dua su atoune wuassu wallatti mangitou. I Tou nanagon sire mapul᷊o dua su atoune udde rasul. I mangitou eteudde:

MATIUS 22:36

“Iamangnga Huru,” wisarane, “parenta suapane apan ahewal᷊anne sulal᷊ummu atorannu agama?”

MATIUS 22:34

Su tempo manga taumatan Farisi naaringikka manungku Mawu Yesus suete na'ola'a manga taumatan Saduki tawe naawisara saran addio'a, i mangitou naammulla.

MATIUS 22:12

See i tou naiwal᷊ote taumata udde, ‘Hawe, ereapa i'o wotongnge sumutta isindi tawe ual᷊uṛṛen laubbu andeangnga?’ Taumata udde tawe naawisara saran addio'a.

1 TAWARIKH 17:26

I'o, Mawu, uddewe Ruata, wuṛṛu watti'a apan maṛṛamaga udde buatte nipa'ire-Nu si ya'u.

1 MARARATU 18:20

Ne i Ahab nangapiddu anambon tumanangnge wuṛṛu manga nabi udde watukku Wowon Karmel.

DARALO 119:113

I ya'u marangngu manga tita-Nu, i ya'u maddantinnu taumata apan tawe ringannu ahewallu naungnga tuttuṛṛutta Si'o.

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.