1 MARARATU 18:19 - WUKE SUSI WATTI'U AL᷊AL᷊USASSA

¹⁹ Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 MARARATU 18:19 Referans Kwoze

1 MARARATU 16:33

I tou na'ola'a lai pa'al᷊uanni Monganna Asyera. I tou na'ola'a lembon manambo rosa wuassu apa apan niola'u anambon ratun Israel apan namarenta dorone wuassi tou. Ana waugu udde i tou nandantan asasa'un Mawu, Ruata apan ṛinone subbannu taumatan Israel.

YOSUA 19:26

Alamelekh, Amad, wuṛṛu Misal. Passarannu leta'i mangitou su samba'an waṛṛata nangeṛṛetta Wowon Karmel wuṛṛu Sal᷊ukku Libnat.

2 MARARATU 2:25

I Elisa nanassukke amatanne watukku Wowon Karmel, wua'udde nabelengke watukku Samaria.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

AMOS 9:3

Amungkangngu i mangitou ma'imbuni su puiddu Wowon Karmel, i Ya'u sarun maddea'a wuṛṛu manametta si mangitou. Amungkangngu i mangitou ma'imbuni su ṛanassu tahal᷊oangnga, i Ya'u sarun mamarenta nagan tahal᷊oangnga iapapul᷊iasa si mangitou.

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

2 MARARATU 13:6

Salaiwe aroddi taumatan Israel sidutu ma'ola'a rosa apan tinattakka wuassi Ratu Yerobeam. I mangitou sidutu ma'ola'a rosa udde, wuṛṛu namalan paal᷊uannu monganni Dewi Asyera sidutu sasahipunanni mangitou su Samaria.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

1 MARARATU 18:22

Wua'udde i Elia nabbisara, “Suwallattu manga nabin Mawu tumba'u i ya'u apan nallambe, sumbali isindi pia 450 nabin Baal.

1 MARARATU 15:13

Iupungnge wawine, i Maakha, niapaaddone wuassu manarane Inangngu ratu, ana waugu i tou buatte na'ola'a paaluanna sassubbanna apan masandaga hunan Asyera, mongannu asasuwukka. I Asa napaṛṛa'a paal᷊uanna udde wuṛṛu nisoṛṛobba su Wawal᷊annu Kidron.

1 SAMUEL 15:12

Tiṛṛabbine marua'allo maṛṛanggappa, i Samuel inaite naisasomban Saul. Piaddu namasingkatta si tou manungku i Saul inaitearoddi watukku soan Karmel mapararisikku watun pananaunganni tou poiaroddi, ana see masal᷊ate watukku Gilgal.

1 MARARATU 18:20

Ne i Ahab nangapiddu anambon tumanangnge wuṛṛu manga nabi udde watukku Wowon Karmel.

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

2 MARARATU 10:19

Ana waugu udde ammul᷊a'e anambon nabin Baal wuṛṛu masasubane ana see lai manga imam; tawe sangkatou tantange. I ya'u sarun mangonggolu sasamba apan wahewalla si Baal. Isai tawe nirumanta sarun pateanna.” Arawe udde tumba'u ola'u wisara wuassi Yehu ipamate anambon masasubba si Baal.

NEHEMIA 5:17

Maṛṛasutta liman pul᷊o su atoune taumatan Yahudi wuṛṛu manga tembonanni mangitou inanaramanne ta'u a'imbeanna su wal᷊e'u, taambe nireengnga manga raho wuassu manga walahanna uaal᷊indonganni yami.

ANTARI MAWANTUGA 7:6

Maṛṛamaga atonna i'o, apan arangnguanna suwallattu apan ilalluassa.

YEREMIA 23:13

Rosa manga nabin Samaria suelen niasiloang-Ku. I Ya'u naasilote. I mangitou mabbisara ringannu aranni Baal, wuṛṛu mangngal᷊iwun Israel uma-U.