1 MARARATU 17:15 - WUKE SUSI WATTI'U AL᷊AL᷊USASSA

¹⁵ Ana see inawal᷊uanna udde inaite nammanara apa apan buatte niwisaran Elia. Ne i mangitoun tallu piai saddian anna apan natimu su manga pira allo allannune.

1 MARARATU 17:15 Referans Kwoze

IBRANI 11:17

Ana waugu mangngimanna lai, i Abraham nanantilli Ishak maola'a sambau sasamba su tempo i tou niannamannu Ruata. Ete tumba'u si Abraham Ruata nangonggolu pa'aire-Ne, arawe i Abraham ma'apulu nanantillu anangnge apan man sambau udde.

MARKUS 12:43

Ne Mawu Yesus namago manga mallal᷊aṛṛenggen-Ne see nabbisara si mangitou, “Paanaunge indi: Wawine wal᷊u asiangnga udde suete nantaṛṛo su tampam pondi udde nilumebe anambone wuassu tinaṛṛo manga taumata waine.

MATIUS 15:28

See Mawu Yesus nabbisara si tou, “Inangnga, matohassa atonna pangangimannu! Ariadite apa apan ipa'apulunu!” Orassa udde lai ana'a wawine udde napia.

PANDARIADDI 6:22

I Nuh tinumuṛṛutta al᷊awo'u parentan Ruata si tou.

YOHANES 11:40

Mawu Yesus nabbisara si Marta, “Wal᷊inewe suete niwal᷊o-U si'o: amungkangngu i'o mangngimanna, i'o sarun maasilo aroddi ahewalle taṛṛinon Ruata!”

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

PANDARIADDI 22:3

Tiṛṛabine marua allo maṛṛanggapa, i Abraham nama'ate alun sasamba itattambunna wuṛṛu nalli'ussa alu udde su liuddu keledai. I tou inaite ringanni Ishak wuṛṛu ruan katou allangnge watukku tampa apan niapasingkattu Ruata si tou.

PANDARIADDI 12:4

I Abram uukke pitun pul᷊o l᷊ima su tonnane su tempo i tou nanantangngu i Haran, ere buatte nirolokku Mawu si tou. I Abram inaite watukku leta'u Kanaan suadio'a ringanni Sarai awingnge wuṛṛu i Lot ana'u tuṛṛangnge, wuṛṛu al᷊awo'u darotongnge see lai manga allangnge apan niasombanganni mangitou su i Haran. Napawe i mangitou na'omate su Kanaan,

1 MARARATU 17:14

Ana waugu Mawu, Ruata apan sassubbannu taumatan Israel, nabbisara manungku mangko udde sidutu lal᷊oṛṛoannu taponna, wuṛṛu wotolla udde sidutu lal᷊oṛṛoannu lana ma'oman sara tempone Mawu mandantan uranna su runia.”

1 MARARATU 17:16

Wuṛṛu ere buatte niwal᷊on Mawu si Elia, mangko udde sidutu lal᷊oṛṛoannu taponna, wuṛṛu wotolla udde sidutu lal᷊oṛṛoannu lana.

2 MARARATU 4:5

Ne wawine udde napul᷊ete su wal᷊ene. Napawe i tou wuṛṛu al᷊aṛanangnge sinumutta wuṛṛu nakkuudu ngaran bal᷊e, i tou nanganu wotolla addio'a apan laloṛṛoannu lanan zaitun udde, ana see nallal᷊innu lana udde sulal᷊ummu manga wotola apan nionggolu al᷊aṛanangnge si tou.